Májiliste Serbııamen halyqaralyq avtomobıl qatynasyna qatysty máseleler qaraldy

Astana. QazAqparat - Májilis Spıkeri Nurlan Nyǵmatýlınniń tóraǵalyǵymen Palatanyń bıýro otyrysy ótti. Onda aldaǵy jalpy otyrystyń kún tártibi naqtylandy, dep habarlady búgin Májilistiń baspasóz qyzmeti. 

Ol boıynsha Májilis depýtattary Serbııamen halyqaralyq avtomobıl qatynasy týraly úkimetaralyq kelisimdi ratıfıkatsııalaý týraly zań jobasyn qaramaq.

Kelisim Qazaqstan men Serbııa arasyndaǵy halyqaralyq avtomobıl qatynasynda jolaýshylar men júkterdiń tasymalyn, olardyń aýmaqtary arqyly tranzıtti, sondaı-aq, osyndaı tasymaldardy oryndaýǵa ruqsat berilgen tasymaldaýshylardyń joǵaryda atalǵan memleketterdiń aýmaqtarynda tirkelgen kólik quraldarymen úshinshi elderge tasmaldaryn retteıdi.

Sondaı-aq, jalpy otyrysta depýtattar mádenıet máselelerine túzetýlerge qatysty zań jobasyn ekinshi oqylymda qaraıdy dep kútilýde.