Májiliste probatsııa qyzmetiniń máselelerine qatysty zań jobasynyń tanystyrylymy ótedi
TANA. 9 qarasha. QazAqparat - Erteń, 10 qarasha, beısenbi kúni, Májiliste «Qazaqstan Respýblıkasynyń keıbir zańnamalyq aktilerine probatsııa qyzmetiniń máseleleri jónindegi ózgerister men tolyqtyrýlar engizý týraly» zań jobasynyń tanystyrylymy ótedi,
dep habarlaıdy Májilistiń baspasóz qyzmeti.
Zań jobasynyń tanystyrylymy Májilistiń Zańnama jáne sot-quqyqtyq reforma komıteti sheńberinde ótedi.
Otyrysqa Joǵarǵy Sot, Bas prokýratýra, qarjy polıtsııasy, QR Bilim jáne ǵylym, Ádilet, Eńbek jáne halyqty áleýmettik qorǵaý mınıstrlikteriniń ókilderi, úkimettik emes uıymdardyń jetekshileri shaqyrylyp otyr.
Zań jobasynyń maqsaty jóninde QR Іshki ister mınıstriniń orynbasary Amantaı Kúreńbekov baıandama jasaıdy dep kútilýde.
Zań jobasy boıynsha qurylǵan jumys tobyna Májilistiń Zańnama jáne sot-quqyqtyq reforma komıtetiniń hatshysy Svetlana Bychkova jetekshilik jasaıdy.
Zań jobasy Qylmystyq, Qylmystyq is júrgizý jáne Qylmystyq-atqarý kodeksterine, Ákimshilik quqyq buzýshylyq týraly kodekske jáne «Qazaqstan Respýblıkasynyń Ishki ister organdary týraly», «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly», «Halyqty jumyspen qamtý týraly» jáne basqalaryn zańdarǵa qylmystyq-atqarý júıesinde probatsııa qyzmetin qurýǵa baǵyttalǵan túzetýler engizýdi kózdeıdi.
