Májiliste «Ońaltý jáne bankrottyq týraly» zań jobasy talqylanady
ASTANA. 18 qarasha. QazAqparat - QR Parlamenti Májilisinde «Ońaltý jáne bankrottyq týraly» zań jobasy talqylanady. Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.
Onyń atap ótýinshe, erteń Májilistiń Áleýmettik-mádenı damý jónindegi komıteti otyrysy ótedi. Onda Qazaqstannyń bilim berý salasynda sandyq bilim berý kontentin damytý máseleleri sóz bolady. «Sársenbi, 20 qarasha kúni, Májilistiń jalpy otyrysynda «Ońaltý jáne bankrottyq týraly» zań jobasynyń birinshi oqylymyn qarastyrý kózdelýde. Sol kúni depýtattar qarjylyq (ınvestıtsııalyq) pıramıdanyń áreketterine qarsy is-sharalarǵa qatysty túzetýlerdiń ekinshi oqylymyn, sondaı-aq áleýmettik qamtamasyz etý jónindegi zańnamalyq jańalyqtardy da qarastyrady. Munda qarjylyq pıramıdalarmen kúres jáne halyqty olardan qorǵaý jónindegi jumystar bizdiń mańyzdy baǵyttarymyzdyń biri ekenin atap ótý kerek», - dedi ol.
Sonymen qatar 21 qarashada Áleýmettik-mádenı damý komıtetiniń músheleri Zeınetaqy tóleý jónindegi memlekettik ortalyǵynda «Zańnamalyq qamtamasyz etý: áleýmettik úılerdi damytýdyń problemalary men perspektıvalary» taqyrybynda keńeıtilgen jyljymaly otyrys ótkizedi.
