Májiliste Ó. Joldasbekovtiń týǵanyna 80 jyl tolýyna arnalǵan eske alý keshi ótti
ASTANA. 5 naýryz. QazAqparat - 4 naýryz kúni QR Parlamenti Májilisiniń birinshi shaqyrylymynyń depýtaty, akademık, qoǵam jáne memleket qaıratkeri Ómirbek Joldasbekovtiń týǵanyna 80 jyl tolýyna arnalǵan eske alý keshi ótti.
Saltanatty sharany QR Parlamenti Májilisiniń Tóraǵasy Oral Muhamedjanov ashyp, qoǵam qaıratkeriniń eli úshin atqarǵan qyzmetine toqtaldy. Osy sharaǵa qos Palata depýtattary qatysty. QR Parlamenti Senaty Tóraǵasynyń orynbasary Muhambet Kópeev, Prezıdenttik mádenı ortalyqtyń dırektory Myrzataı Joldasbekov jáne basqa da shaqyrylǵan meımandar Ómirbek Aryslanulynyń ómiri men memleketimiz úshin sińirgen eńbegi týraly oılaryn ortaǵa saldy.
Ó.Joldasbekovtyń týystary atynan uly Skandarbek osy keshti uıymdastyrýshylarǵa alǵysyn bildirdi. Qoǵam qaıratkeri týraly shaǵyn beınekórinis kórsetildi.
