Májiliste Nurlan Nyǵmatýlın Armenııa Prezıdentimen kezdesti
Nurlan Nyǵmatýlın Armenııa Prezıdentiniń elimizge eki memleket táýelsizdiginiń 30 jyldyǵyna arnalǵan memlekettik saparynyń mańyzdylyǵy týraly aıtty.
Sonymen qatar, Májilis tóraǵasy Armenııa Prezıdenti Qazaqstannyń Tuńǵysh Prezıdenti, Elbasy Nursultan Nazarbaevpen, sondaı-aq Memleket basshysy Qasym-Jomart Toqaevpen kelissózder barysynda qol jetkizilgen ýaǵdalastyqtardy is júzinde júzege asyrý úshin saıası dıalogty jáne Qazaqstan-Armenııa arasyndaǵy jan-jaqty ózara is-qımyldy nyǵaıtýǵa yqpal etetinine senim bildirdi.
Májilis tóraǵasynyń aıtýynsha, qazaqstandyq parlamentshiler bul úshin qajetti zańnamalyq kómek kórsetedi.
Óz kezeginde, Armenııa Prezıdenti elimizdiń jahandyq úderisterdegi rólin atap ótip, Qazaqstannyń basty jetistikteriniń biri – ultaralyq jáne konfessııaaralyq kelisimdi atady.
Armen Sarkısıan atap ótkendeı, Qazaqstan – Eýrazııalyq ıdeıanyń negizin qalaýshy jáne Ortalyq Azııadaǵy ǵana emes, Eýrazııalyq keńistiktegi saıası ortalyqqa aınalǵan memleket.
«Qazaqstan – Tuńǵysh Prezıdent Nursultan Nazarbaev negizin qalaǵan, al búginde Memleket Basshysy Qasym-Jomart Toqaev dástúrli túrde jalǵastyryp kele jatqan Ortalyq Azııada ǵana emes, jalpy óńirde bolyp jatqan barlyq úderisterdiń belsendi qatysýshysy bolyp tabylatyn el», - dedi Armen Sarkısıan.
Qazaqstan-Armıan yntymaqtastyǵy týraly aıta kele, Armenııa Prezıdenti Qazaqstandy UQShU, EAEO jáne basqa da halyqaralyq uıymdardaǵy jaqyn seriktes el dep atady. Bul rette, Armen Sarkısıan odan ári ózara is-qımyl úshin, onyń ishinde parlamentaralyq baılanystyń mańyzdylyǵyn da atap ótti.
Nurlan Nyǵmatýlın saıası júıeni reformalaý, azamattyq qoǵamdy damytý jáne Memleket basshysynyń bastamasy boıynsha otandyq zańnamaǵa engizilgen ózgerister týraly aıtty. Onyń ishinde, saıası partııalardyń Parlamentke ótý shegin tómendetý, saılaý bıýlletenderine «barlyǵyna qarsy» baǵanyn engizý bekitilgen «Qazaqstan Respýblıkasyndaǵy saılaý týraly» Zańǵa engizilgen ózgerister.
Sonymen qatar, Májilis tóraǵasy Qazaqstan Armenııamen jan-jaqty qarym-qatynastardy damytýǵa zor mán beretinin jáne Ońtústik Kavkaz óńirindegi senimdi seriktes memleket ekenin atap ótip, armıandyq áriptesterimen TMD Parlamentaralyq Assambleıasy men EQYU jáne UQShU Parlamenttik assambleıalary jáne basqa da birlestikter alańynda tyǵyz ózara is-qımyl ornyqqanyna nazar aýdardy.
Nurlan Nyǵmatýlın zań shyǵarý jumysynda tájirıbe almasý jáne Qazaqstan men Armenııa arasyndaǵy seriktestikti nyǵaıtý maqsatynda armıan parlamentshilerimen Palata komıtetteri men yntymaqtastyq toptary deńgeıinde baılanystardy jandandyrýǵa nıetti ekenin aıtty.
