Májiliste «Normatıvtik quqyqtyq aktiler týraly Qazaqstan Respýblıkasynyń zańyna ózgerister men tolyqtyrýlar engizý týraly» zań jobasynyń tanystyrylymy boldy

dep habarlaıdy QazAqparat.

Otyrysta atalmysh qujattyń maqsat-mindetteri jóninde baıandaǵan Májilis depýtaty Irak Elekeevtiń sózine qaraǵanda, atalmysh qujat eldegi eń mańyzdy zań jobalardyń biri. Sebebi ol eldegi barlyq zańdar men zań aktileriniń qabyldanýy men qoldanylý jáne kúshin joıý tártibin reglamentteıdi. «Qujat memlekettik organdardyń norma shyǵarý qyzmetin jetildirýge baǵyttalǵan. Sondaı-aq ol memlekettik organdardyń normatıvti-quqyqtyq aktilerdi qabyldaý jónindegi ókilettikteriniń ara-jigin ajyratady. Zań jobasynda memlekettik organdardyń zań jobalaryn olardyń arnaıy veb-saıtynda ornalastyrýǵa mindetteıdi. Mundaǵy maqsat osy shara arqyly zań jobalarynyń erejelerin qoǵamdyq birlestikter men úkimettik emes uıymdarmen jáne buqara halyqpen birlesip talqylaý», dedi depýtat.

Otyrysta qujattyń maqsat-mindetteri boıynsha ádilet vıtse-mınıstri Dýlat Qusdáýletov arnaıy baıandama jasap, oǵan qatysty májiliske qatysýshylar ózara pikir almasty.