Májiliste názik jandylardyń sany artty - QR Memlekettik hatshysy

ASTANA. QazAqparat - Májilistegi áıelderdiń qatary 27,1 paıyzdy qurady. Bul týraly búgin QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń otyrysynda QR Memlekettik hatshysy Gúlshara Ábdiqalyqova málim etti.

«Jaqynda bolǵan Parlament Májilisi men barlyq deńgeıdegi máslıhattar depýtattarynyń saılaýy álemdik talaptarǵa saı joǵary deńgeıde ótti. Ótken shaqyrylymmen salystyrǵanda Májilistegi áıelderdiń qatary artyp otyr. Jańa quramǵa 29 áıel saılandy, bul 27,1 paıyzdy quraıdy»,-dedi QR Memlekettik hatshysy.

Osy rette G. Ábdiqalyqova Qazaqstanda Elbasynyń áıelderdi qoldaý saıasatyna saı úlken jumystar atqarylyp jatqandyǵyn sóz etti.

«Qazaqstanda áıelder kásipkerliginiń qarqyndy sektory aıtarlyqtaı myǵym qalyptasqanyn eskere otyryp, bizge názik jandylardy ekonomıkalyq qyzmetke jan-jaqty tartý mańyzdy»,-dedi ol.

Taratylǵan málimetterge qaraǵanda, Ulttyq ekonomıka mınıstrliginiń aqparaty boıynsha sońǵy 5 jylda shaǵyn jáne orta kásipkerlik sýbektileriniń Іshki jalpy ónimdegi úlesi 2009 jylǵy 17,7 paıyzdan, 2014 jyly 26,2 paıyzǵa deıin kóterildi. Shyǵyn jáne orta kásipkerlik sýbektileri ıeleriniń qurylymynda áıelderdiń úlesi 42 paıyzdy qurap otyr.