Májiliste memlekettik monopolııa máselesin retteýge qatysty zań jobasy jóninde dóńgelek ústel otyrysy ótti
TANA. 27 qyrkúıek. QazAqparat /Aıdar Ospanalıev/ - Búgin Parlament Májilisinde «Qazaqstan Respýblıkasynyń keıbir zańnamalyq aktilerine memlekettik monopolııa máseleleri boıynsha ózgerister men tolyqtyrýlar engizý týraly» zań jobasyna qatysty dóńgelek ústel otyrysy ótti.
Atalmysh qujattyń maqsaty - ekonomıkaǵa memlekettiń aralasýyn barynsha qysqartý bolyp tabylady. Sonymen qatar zań jobasynda memlekettiń kásipkerlik qyzmetke qatysýyn talap etetin erekshe jaǵdaılarda ǵana memlekettik monopolııa engizý máselesi kózdelgen. ıAǵnı qoǵamdyq tártipti saqtaý, adam quqyqtaryn qorǵaý jáne halyqtyń densaýlyǵyn saqtaý jónindegi máselelerdi ǵana memleket óz moınyna alady da ózge sharalar kásipkerlerdiń quzyryna beriledi. Zań kúshine enetin bolsa, elimizdiń 4 kodeksi men 23 zańyna 92 ózgeris engiziledi.
Zań jobasy boıynsha otyrysta baıandamany Básekelestikti qorǵaý agenttiginiń tóraǵasy Májıt Esenbaev jasady. Onyń aıtýynsha, talqylaýǵa usynylyp otyrǵan qujatta memlekettik monopolııa túrlerin qysqartý usynylady. Sonymen qatar zań jobasynda «Memlekettik monopolııa» degen uǵymǵa anyqtama berilgen. Zań talaptaryna sáıkes endi tek Úkimettiń sheshimi boıynsha ǵana qurylǵan kásiporyn monopolııa sýbektisi bola alady. «Tutastaı alǵanda qujatty qabyldaý memlekettik monopolııany retteıtin zańnama normalaryn bir júıege keltirýge múmkindik beredi dáne ekonomıkany monopolııalandyrý úderisin tómendetedi»,-dedi agenttik tóraǵasy.
Otyrys barysynda zań jobasynyń jekelegen baptary men monopolııa máselesine qatysty birqatar máseleler boıynsha pikir almasyldy.
