Májiliste memlekettik monopolııa máselelerin retteýge qatysty dóńgelek ústel ótedi
TANA. 26 qyrkúıek. QazAqparat - Seısenbi, 27 qyrkúıek kúni Parlament Májilisinde «Qazaqstan Respýblıkasynyń keıbir zańnamalyq aktilerine memlekettik monopolııa máseleleri boıynsha ózgerister men tolyqtyrýlar engizý týraly» zań jobasyn talqylaýǵa arnalǵan dóńgelek ústel ótedi, dep habarlaıdy Májilistiń Baspasóz qyzmeti.
Basqosýdy Májilistiń Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetov ashady dep kútilýde. Zań jobasy boıynsha qurylǵan jumys tobyna Valerıı Doskalov jetekshilik etedi.
«Qazaqstan Respýblıkasynyń keıbir zańnamalyq aktilerine memlekettik monopolııa máseleleri boıynsha ózgerister men tolyqtyrýlar engizý týraly» zań jobasynyń negizgi tujyrymdamalyq maqsaty týraly QR Básekelestikti qorǵaý agenttiginiń (Monopolııaǵa qarsy agenttik) tóraǵasy Májıt Esenbaev baıandama jasaıdy. Memlekettik monopolııa salasyndaǵy qyzmetti zańnamalyq qamtamasyz etý týraly QR Ekonomıkalyq damý jáne saýda mınıstriniń orynbasary Abaı Eskendirov baıandama jasaıtyny josparlanǵan. Basqa da birqatar vedomstvonyń jetekshileri atalǵan másele tóńireginde sóz sóılep, óz oılaryn ortaǵa salady.
Bul sharany QR Parlamenti Májilisiniń Ekonomıkalyq reforma jáne óńirlik damý komıteti uıymdastyryp otyr.
