«Májiliste máni bar másele talqylandy» - respýblıkalyq basylymdarǵa sholý

Parlamenttiń tómengi palatasy keshe asa ábjildik tanytyp, Elbasyǵa qatysty eki birdeı zań jobasyn qabyldap tastady. Endi «estafeta» - senatorlarda. Eger olar tosyn minez tanytyp, keri qaıtaryp tastamasa, Nursultan Nazarbaev el tarıhyndaǵy statýs-mártebesi konstıtýtsııalyq zańnamamen bekigen tuńǵysh «Ult kóshbasshysy» atanady. Osy mańyzdy jaıt arqaý bolǵan maqala «Aıqyn» gazetiniń búgingi nómirinde «Májiliste máni bar másele talqylandy» degen taqyryppen jaryq kórdi. «Mysal retinde Sıngapýrdi alýǵa bolady. Bul eldiń negizin qalaǵan Premer-Mınıstr Lı Kýan ıÝ úshin arnaıy Sıngapýr Úkimeti janynan tálimger-mınıstr laýazymy engizilgen. Al strategııalyq daryny men aqyl parasatynyń arqasynda táýelsizdigin nyǵaıtqan Mustafa Kemaldyń saıasatyn jalǵastyrý úshin Túrkııa oǵan «Ata Túrik» - «Túriktiń Ákesi» degen qurmetti ataq berip, sol arqyly Ult kóshbasshysy dep jarııalady. Sondaı-aq burynǵy prezıdentterine jasalyp otyrǵan aıryqsha zańdyq aktiler RF men AQSh sekildi elderde de bar ekeni belgili», dep jazady basylym.

«Aıqyn» gazetiniń jazýynsha, EQYU-nyń Іs basyndaǵy tóraǵasy, Memlekettik hatshy - Syrtqy ister mınıstri Qanat Saýdabaev Úndistannyń Syrtqy ister mınıstri Somanahallı Mallaıah Krıshnamen kezdesti. Ekijaqty baılanystyń jaı-japsaryn sóz etken taraptar Elbasy N.Nazarbaevtyń úndi eline jasaǵan resmı sapary kezinde qol jetkizgen kelisimderdi odan ári damytyp, eki el arasyndaǵy strategııalyq áriptestikke serpin kerektigin alǵa tartqan.

Osy jyly 100 jyldyq mereıtoıy toılanatyn qazaqtyń batyr uly, daryndy qolbasshy Baýyrjan Momyshuly týraly fılm túsirip jatqan rejısser, belgili kınodokýmentalıst Qalıla Omarov osy jumystar kezinde tyń derekterge kezigipti. Osyǵan oraı «Aıqyn» gazetiniń beısenbilik sanynda atalǵan azamatpen aradaǵy suhbat «Qysastyqty keshire bilgen kemeńger» degen taqyryppen jarııalandy. Batyr babamyz jaıyndaǵy tyń derekterdi oqyp bilgińiz kelse, basylymdaǵy ekeýara áńgimege nazar aýdaryńyz.

***

Jeńistiń 65 jyldyq mereıtoıyna oraı elimizdiń túpkir-túpkirinen el ordasy Astana shaharyna maıdan ardagerleri kelip, mamyrdyń 9-ynda uıymdastyrylǵan sherýge qatysyp qaıtqan bolatyn. «Astana aqshamy» gazetiniń búgingi sany sol ardagerlerdiń elordadan alǵan áserleri, merekeniń qalaı ótkendigi jaıynda oı bólisipti. Sondaı-aq basylymnyń aıqara betinde sýretter arqyly mereke kúnine sholý jasalǵan.

***

«Keshe Astanadaǵy Uly Otan soǵysy múgedekterine arnalǵan ortalyq klınıkalyq gospıtalda medbıkelerdiń kásibı merekesine arnalǵan saltanatty jıyn ótti», dep jazady «Astana aqshamy» gazeti. Basylymnyń habarlaýynsha, «Nur Otan» HDP jáne QR Densaýlyq saqtaý mınıstrliginiń qoldaýymen ótken saltanatty jıyn barysynda Uly Jeńis týraly kórme uıymdastyrylyp, elordanyń eń tańdaýly medıtsınalyq bıkeleri marapattalǵan. Sonymen birge «Nur Otan» partııasy óziniń jańa múshelerin qabyldaý rásimin ótkizgen.

«Keshe Memleket basshysy Nursultan Nazarbaev Úndistannyń syrtqy ister mınıstri Somanahallı Mallaıah Krıshnany qabyldady», dep jazady «Alash aınasy» gazeti. Kezdesý barysynda eki eldiń arasyndaǵy saýda-ekonomıkalyq jáne mádenı-gýmanıtarlyq yntymaqtastyqty odan ári damytý máselesi talqylandy.

«Qazaqstan Prezıdentiniń sapary eki el arasyndaǵy qarym-qatynastardy odan ári damytýǵa aıtarlyqtaı serpin berdi. Bizdiń elderimiz arasyndaǵy saıası jáne ekonomıkalyq baılanystar belsendi damýda. Qazaqstan bizdiń jaqyn kórshimiz bolyp tabylady. Biz eki el arasyndaǵy yntymaqtastyqty odan ári nyǵaıtýǵa erekshe mán beremiz. Biz ekonomıka men áleýmettik salany qosqanda, barlyq saladaǵy bizdiń yntymaqtastyǵymyzdy keleshekte údetýde «Jol kartasyn» ázirleý nıetindemiz. Biz birlese otyryp osy óńirdegi turaqtylyqty nyǵaıtýǵa kómektese alamyz, - depti Úndistannyń Syrtqy ister mınıstri jýrnalısterge arnalǵan brıfıngte.

«Bir sottyń sheshimin ekinshi sottyń buzýy zańnyń solqyldaqtyǵynan emes pe?». «Alash aınasy» gazetiniń «Oı-kókpar» aıdaryndaǵy osy saýalyna jaýap bergen zań ǵylymynyń kandıdaty Aqmaral Saǵymqyzy «bir sottyń sheshimin kelesi sot ınstantsııalarynda buzý, ózgertý kezdesip jatatyny ras. Búgingi kúni azamattardyń daýlary boıynsha ister birinshi saty boıynsha aýdandyq sotta qaralsa, odan keıin oblystyq (qalalyq) sottyń appelıatsııalyq satysynda qaralyp, shaǵymdanýshy qanaǵattanbaıtyn bolsa, kassatsııalyq ınstantsııada, odan eıin qadaǵalaý tártibimen QR Joǵary sotynda qaralady», dese advokat Káribaı Tasshabaev «dál qazirgi tańdaǵy bizdiń sot júıemizdiń ózi osyndaı bolyp otyr. ıAǵnı satyly túrde birinshi sottyń qaraǵan isin ekinshi sottyń da qaraýyna usynýyna bolady. Bul jerde sottarda turǵan eshteńe joq. Eń bastysy, zań durys bolýy kerek. Zań durys bolsa, sottardyń burmalaýyna kónbes edi», depti.

«Almaty turǵyndary arasynda tabıǵı apat jaıly taǵy da úreıli áńgimeler tarady. Bul jolǵy qaýip - Kishi Almaty jotalarynyń birindegi № 6 muzdy kóldiń erýi jóninde. Eger taýdaǵy kól tasysa, ońtústik astanany sel shaıyp ketýi ábden múmkin», dep jazady «Alash aınasy» gazeti. Basylymnyń atap ótýinshe, keshe keıbir mamandardyń málimetine arqa súıegen Májilis depýtaty Zaǵıpa Bálıeva osy máseleni palatanyń jalpy otyrysynda kóterip, Úkimet basshysy K.Másimov pen TJ mınıstri Vladımır Bojkonyń atyna depýtattyq saýal joldaǵan.

«Kazahstanskaıa pravda» gazetinde bank sektorynyń máselelerin qozǵaǵan kólemdi maqala jaryq kórdi. QazKommertsBanktiń basqarma tóraǵasy Nına Júsipova taıaýda jaryq kórgen banktiń 2009 jylǵa arnalǵan qorytyndysyna pikirin bildire kelip, 2009 jyl kúrdeli bolýymen qatar nátıjeli bolǵandyǵyn atap ótipti. «Daǵdarys bizdiń qıyn jaǵdaılarda da nyq tura alatyndyǵymyzdy kórsetti. Bul tek bizdiń bankke ǵana emes, jalpy eldiń bank júıesine qatysty. 2009 jyldyń mańyzdy nátıjeleriniń biri bank sektoryna degen senim saqtaldy», depti ol.