Májiliste qurylys kompanııalaryn buǵattalatyn tereze ornatýǵa mindetteý máselesi qaralady

ASTANA. QazAqparat – Oqý-aǵartý mınıstrligi qurylys kompanııalaryn turǵyn úılerge buǵattalatyn tereze ornatýǵa mindetteý usynysyn qoldaıdy. Bul týraly ortalyq kommýnıkatsııalar qyzmetinde ótken brıfıngide vıtse-mınıstr Edil Ospan aıtty, dep habarlaıdy QazAqparat tilshisi.

Edil Ospan BAQ ókiliniń suraǵyna bergen jaýabynda qazir osy másele boıynsha úkimettiń qorytyndysy ázirlenip jatqanyn aıtty.

«Shynymen de, Oqý-aǵartý mınıstrligi mundaı usynysty qoldaıdy. Depýtattardan zań jobasy túsken bolatyn. Ol zańda qurylys kompanııalaryn turǵyn úıdi salǵan kezde, jobalaǵan buǵattalatyn tereze ornatýǵa mindetteý kózdelgen. Biz ony qoldaımyz. Qazir Úkimettiń qorytyndysy ázirlenip jatyr. Osydan keıin bul másele Májilis qabyrǵasynda qaralady», - dedi Edil Ospan.