Májiliste konstıtýtsııalyq zańdarǵa ózgerister engizý máselesi qaralady
ASTANA. QazAqparat - Májilis Spıkeri Nurlan Nyǵmatýlınniń tóraǵalyǵymen Palatanyń Bıýro otyrysy ótti. Onda aldaǵy jalpy otyrystyń kún tártibi naqtylandy.
Ol boıynsha májilis depýtattary Joǵary Sot Keńesi týraly Zańǵa ózgerister engizýge qatysty zań jobasyn birinshi oqylymda qaraıdy dep kútilýde.
Sonymen birge, elimizdiń keıbir konstıtýtsııalyq zańdaryna ózgerister engizý týraly zań jobasy da osy kúni halyq qalaýlylarynyń talqysyna usynylmaq, dep habarlaıdy Májilistiń baspasóz qyzmeti.
Jalpy otyrysta halyqaralyq jeke quqyq jónindegi Gaaga konferentsııasynyń jarǵysyn ratıfıkatsııalaý boıynsha zań jobasy jumysqa qabyldanatyn bolady.
Bıýro otyrysynda Ońtústik Qazaqstan oblysynda parlamenttik tyńdaýdy daıyndaý jónindegi arnaýly ýaqytsha komıssııanyń kóshpeli otyrysyn ótkizý jáne depýtattardyń saılaýshylarmen kezdesýi úshin óńirlerge saparǵa shyǵýy týraly qaýly qabyldandy.
