Májiliste Keden odaǵyna qatysty birqatar kelisimder talqylandy
qpannyń 16-sy. QazAqparat /Qanat Mámetqazyuly/ - Búgin QR Parlamenti Májilisi Halyqaralyq ister, qorǵanys jáne qaýipsizdik komıtetiniń keńeıtilgen otyrysynda Belarýs, Qazaqstan, Reseı arasyndaǵy Keden odaǵyna baılanysty birqatar zań jobalary talqylandy,
dep habarlaıdy QazAqparat.
Atalǵan zań jobalary - «Keden odaǵynyń kedendik shekarasy arqyly ótkiziletin taýarlardyń kedendik qunyn deklaratsııalaý týraly», «Keden odaǵynyń kedendik shekarasy arqyly ótkiziletin taýarlardyń kedendik qunyn aıqyndaýdyń durystyǵyn baqylaýdy júzege asyrý tártibi týraly kelisimdi ratıfıkatsııalaý týraly», «Taýarlardyń damýshy jáne az damyǵan elderden shyǵarylǵanyn aıqyndaý erejesi týraly kelisimdi ratıfıkatsııalaý týraly» dep atalady. Birinshi zań jobasynyń maqsaty Odaqqa qatysýshy memleketterdiń birińǵaı keden aýmaǵyna ákelinetin jáne osy aýmaqtan áketiletin taýarlardyń kedendik qunyn deklaratsııalaý tártibiniń negizgi erejelerin aıqyndaıdy. Sonymen birge, kedendik quqyqtyq qatynastardy retteıtin halyqaralyq sharttardy ázirleýge septigin tıgizedi.
Al kedendik shekarasy arqyly ótkiziletin taýarlardyń kedendik qunyn aıqyndaýdyń durystyǵyn baqylaýdy júzege asyrý týraly kelisimniń maqsaty osy baǵyttaǵy biryńǵaı erejelerdi belgileý sharalaryn qamtıtyn bolady. Sondaı-aq, taýarlardyń damýshy jáne az damyǵan elderden shyǵarylǵanyn aıqyndaý erejesi týraly kelisim - Taraptar memleketteriniń biryńǵaı kedendik aýmaǵynda damýshy jáne damyǵan elderde shyǵarylatyn taýarlarǵa qatysty erejeni qoldanýǵa múmkindik beredi.
Kelisimderdi qamtıtyn zań jobalary palatanyń jalpy otyrysynda talqylanatyn bolady.
