Májiliste Qazaqstan men Makedonııa arasyndaǵy ınvestıtsııalarǵa qatysty kelisim jónindegi zań jobasy qaraldy
ASTANA. QazAqparat - Búgin Májilistiń Halyqaralyq ister, qorǵanys jáne qaýipsizdik komıtetinde qurylǵan jumys toby «Qazaqstan Respýblıkasynyń Úkimeti men Makedonııa Respýblıkasynyń Úkimeti arasyndaǵy ınvestıtsııalardy kótermeleý jáne ózara qorǵaý týraly kelisimdi ratıfıkatsııalaý týraly» Qazaqstan Respýblıkasy Zańynyń jobasyn qarady.
Jumys tobynyń jetekshisi, Májilis depýtaty Ersultan Bekturǵanov kirispe sózinde atalǵan kelisimniń eki el úshin yntymaqtastyq jáne ekonomıkalyq mańyzy jóninde aıtyp ótti. «Kelisim ekijaqty qarym-qatynasty damytýǵa, taraptardyń ınvestıtsııalyq klımatyn jaqsartýǵa, taraptar arasyndaǵy ózara tıimdi ekonomıkalyq yntymaqtastyqty odan ári damytýǵa yqpal etetin bolady, sondaı-aq ózara ınvestıtsııalar úshin qolaıly jaǵdaı jasaıdy», - dedi E. Bekturǵanov.
Kelisimniń maqsaty týraly jáne qandaı jumystar júrgizilgeni jaıly Investıtsııalar jáne damý mınıstrliginiń ókili aıtyp ótti. Birqatar depýtattyń suraqtaryna jaýap berdi.
Osy Kelisimge sáıkes tarap ekinshi taraptyń ınvestorlaryna ol ulttyq ınvestorlarǵa nemese úshinshi memleketterdiń ınvestorlaryna usynatyn rejimnen qolaılylyǵy kem bolmaıtyn rejim usynady.
Árbir tarap óz aýmaǵynda ekinshi tarap ınvestorlarynyń ınvestıtsııalary men ınvestıtsııalarynan túsken kiristerine ınvestıtsııalardyń ádil jáne teń quqyly rejımin, sondaı-aq olardyń tolyq qorǵalýyn qamtamasyz etedi.
