Májiliste Qazaqstan men Armenııa qatynastaryn damytýǵa negizdelgen qujat maquldandy
Kelisim ekijaqty halyqaralyq shart bolyp sanalady jáne Qazaqstan men Armenııa ýákiletti organdary bergen rezıdenttikti rastaıtyn resmı qujattardy taný tártibin jeńildetý maqsatynda jasaldy.
Atalǵan tártip eki memlekettiń salyq tóleýshilerine apostıl qoıýsyz rezıdenttigin rastaıtyn qujatty salyq agentine usynýǵa jaǵdaı týǵyzady. Buǵan qosa mundaı retrospektıvtik eki memlekettiń salyq tóleýshilerine qosarlanǵan salyq salý qaýpin boldyrmaýǵa múmkindik beredi.
«Osy Kelisim bizdiń elderdiń ári qaraı qarym-qatynasynyń damýyna baǵyttalǵan Eýrazııalyq ekonomıkalyq odaq aıasyndaǵy sharalardyń biri bolyp sanalady. Kelisimdi iske asyrý memlekettik bıýdjetten qarjy shyǵyndaryn talap etpeıdi», - dedi Premer-Mınıstrdiń birinshi orynbasary – Qarjy mınıstri Álıhan Smaıylov.
Talqylaýdan keıin palata depýtattary «2006 jylǵy 6 qarashadaǵy Qazaqstan Úkimeti men Armenııa Úkimeti arasyndaǵy Tabys pen múlikke salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsııa jáne oǵan Hattama sheńberinde Qazaqstan men Armenııa ýákiletti organdary bergen rezıdenttikti rastaıtyn resmı qujattardy taný tártibi týraly notalar almasý nysanyndaǵy kelisimdi ratıfıkatsııalaý týraly» zań jobasyn maquldady.
