Májiliste Qazaqstan halqy Assambleıasy depýtattyq toby músheleriniń qatysýymen keńes ótti
Onda Májilistegi «Qazaqstan halqy Assambleıasy» depýtattyq tobynyń beıbitshilikti, qoǵamdyq jáne etnosaralyq kelisimde partııaaralyq yntymaqtastyq tájirıbesin taratý jumystary talqylandy.
Basqosýda «Qazaqstan halqy Assambleıasy» tobynyń jumysy jóninde, sondaı-aq saıası partııalardyń depýtattyq fraktsııalarynyń depýtattyq toptarmen partııaaralyq yntymaqtastyqty damytý joldary men jumys jasaý ádisteri jóninde baıandaldy.
Budan bólek, Elbasynyń tapsyrmasyn oryndaý barysynda oblystyq máslıhattar deńgeıinde depýtattyq toptar qurýdaǵy is-tájirıbe týraly Aqmola oblystyq máslıhatyndaǵy «Dostyq» depýtattyq tobynyń múshesi V.I.Sınchýk óz pikirin bólisti. Sonymen qatar, sharaǵa qatysýshylar aldaǵy kezeńde depýtattyq toptarmen jumys jasaýdyń mańyzdylyǵyn atap ótti.
Keńes barysynda ulttyń birligin, qoǵamdyq kelisim jáne etnosaralyq tózimdilikti nyǵaıtýdyń túrleri men ádisteri jóninde pikirler aıtyldy. Respýblıkalyq semınar-keńeske Qazaqstan Respýblıkasy Parlamenti Májilisiniń «Qazaqstan halqy Assambleıasy» depýtattyq tobynyń músheleri, oblystyq máslıhattyń hatshylary men oblystyq máslıhat janyndaǵy depýtattyq toptardyń, óńirlerdegi Qazaqstan halqy Assambleıasy hatshylyǵynyń, oblystardaǵy Qazaqstan halqy Assambleıasy janyndaǵy ǵylymı-saraptama toptarynyń jetekshileri qatysty.
