Májiliste ınnovatsııalyq qyzmetti jetildirýge qatysty birqatar qujattardyń tanystyrylymy ótti
Otyrys barysynda atalmysh qujat jóninde baıandama jasaǵan Indýstrııa jáne jańa tehnologııalar mınıstriniń birinshi orynbasary Albert Raýdyń aıtýynsha, qujat ındýstrııalyq-ınnovatsııalyq qyzmetti yntalandyrý maqsatynda quqyqtyq, ekonomıkalyq jáne uıymdastyrýshylyq negizder qalaý maqsatynda daıyndalyp otyr. Sonymen qatar qujat ınnovatsııalyq qyzmetti memlekettik qoldaý sharalaryn qarastyrady. «Zań jobasynyń maqsaty - ulttyq ekonomıkany onyń basym baǵyttaryna kúsh sala otyryp, básekege qabilettiligin arttyrý. Zań jobasy ekonomıkanyń basym baǵyttarynyń damýyna jaǵdaı jasap, jańa óndiristerdiń ashylýyn qamtamasyz etý jáne qoldanystaǵy óndiris oshaqtaryn jańǵyrtý tehnıkalyq jaǵynan zamanǵa saı jaraqtandyrý, joǵary tehnologııaly óndiristerdi damytý isine ınnovatsııalardy tıimdi engizý, elimizdiń eksporttyq áleýetiniń tartymdylyǵyn arttyrýdy kózdeıdi»,-dedi mınıstrdiń orynbasary.
Atalmysh qujat kúshne enetin bolsa, elimizdiń Jer kodeksine, Salyq kodeksine, «QR jergilikti memlekettik basqarý men ózin ózi basqarý týraly», «Aktsıonerlik qoǵamdar týraly», «Memlekettik satyp alýlar týraly» sııaqty birqatar qujattarǵa ózgerister men tolyqtyrýlar engiziledi. «Qujat qabyldanǵan jaǵdaıda onyń eldegi ekonomıkalyq, quqyqtyq nemese áleýmettik jaǵdaıǵa keri áseri bolmaıdy»,-dedi A.Raý.
Depýtattar májilis barysynda «QR keıbir zańnamalyq aktilerine ındýstrııalyq-ınnovatsııalyq qyzmetti memlekettik qoldaý máseleleri boıynsha ózgerister men tolyqtyrýlar engizý týraly» zań jobasyn da qarady. Májilis depýtattarynyń aıtýlarynsha, atalmysh eki qujat ta Elbasynyń tapsyrmasy negizinde daıyndalǵan. Ótken jyly elimizde ındýstrııalandyrý kartasy boıynsha 152 kásiporyn ashylsa, bıylǵy olardyń sany 204 kásiporyndy quramaq. Osylardyń barlyǵy memleket tarapynan qoldaýdy qajet etedi. Sondyqtan halyq qalaýlylary atalǵan qujattardy jedel túrde qarap, kelesi 2012 jyly ol kúshine enýi kerek.
