Májiliste halyqty sapaly aýyzsýmen qamtamasyz etý máselesi qaralady
ASTANA. QazAqparat - Májiliste «Qazaqstan Respýblıkasynyń eldi mekenderin sapaly aýyzsýmen qamtamasyz etýdiń ózekti máseleleri» taqyrybynda parlamenttik tyńdaý ótedi. Bul týraly QazAqparat Májilistiń baspasóz qyzmetine silteme jasap habarlaıdy.
«24 qarashada ótetin Parlamenttik tyńdaýǵa Májilis basshylyǵy jáne Premer-Mınıstrdiń orynbasary - Aýyl sharýashylyǵy mınıstri Asqar Myrzahmetov qatysady dep josparlanyp otyr. Tyńdaýǵa Investıtsııalar jáne damý mınıstri Jeńis Qasymbek pen Pavlodar oblysynyń ákimi Bolat Baqaýovtyń, sondaı-aq sýmen jabdyqtaý jáne sý tartý júıesi kásiporyndary ókilderiniń taqyryptyq baıandamalary tyńdalady dep qarastyrylýda», - delingen baspasóz habarlamasynda.
Sondaı-aq otyrysta Májilis depýtaty, Parlamenttik tyńdaýdy ázirleý jónindegi arnaıy ýaqytsha komıssııasynyń jetekshisi - Sáken Ótebaev baıandama jasaıdy.
Sharaǵa Parlament ókilderi men ortalyq jáne jergilikti atqarýshy organdardyń, halyqaralyq sarapshylardyń, ǵalymdardyń, úkimettik emes uıymdardyń jáne buqaralyq aqparat quraldarynyń ókilderi qatysady dep josparlanǵan.
