Májiliste Eýropalyq Odaqtyń «Qazaqstan Respýblıkasynda ekologııalyq saıasattyń quraldaryn engizý» atty jobasynyń tanystyrylymy ótti
aýryzdyń 11-i. QazAqparat /Qanat Mámetqazyuly/ - Búgin QR Parlamenti Májilisinde «Qazaqstan Respýblıkasynda ekologııalyq saıasattyń quraldary» atty taqyrypta dóńgelek ústel aıasynda Eýropalyq Odaqtyń «Qazaqstan Respýblıkasynda ekologııalyq saıasattyń quraldaryn engizý» atty jobasynyń tanystyrylymy bolyp ótti,
dep habarlaıdy QazAqparat.
Otandyq jáne halyqaralyq sarapshylar atsalysqan Eýropalyq Odaqtyń «Qazaqstan Respýblıkasynda ekologııalyq saıasattyń quraldaryn engizý» atty jobasy memlekettik bılik jáne azamattyq qoǵam ókilderiniń suhbaty sheńberinde talqylanatyn ekologııalyq máselelerdi qamtyp otyr. Bul rette joba boıynsha ekologııalyq saıasattyń negizgi úsh salasyna - qalalardaǵy atmosferalyq aýanyń lastanýy, sý resýrstaryn basqarý jáne qatty turmystyq qaldyqtardy basqarý máselelerine basa nazar aýdarylǵan.
«Jobanyń maqsaty - ekologııalyq saıasattyń qoldanystaǵy quraldaryn júıesin taldaý jáne sol boıynsha osy baǵyttaǵy jetildirý jumystaryna usynymdar ázirleý bolyp tabylady. Jalpy, ekologııalyq saıasat quraldary máselesine keletin bolsaq, Qazaqstanda bul baǵyttaǵy josparlar, ádister, tujyrymdamalar joǵary deńgeıde. Degenmen, bundaı tujyrymdamalardy, josparlardy tájirıbelik júzinde oryndaýda kóptegen alshaqtyqtar, olqylyqtar barshylyq. Sondyqtan da, EO jobasy Qazaqstandaǵy ekologııalyq quraldardyń tıimdiligine saraptama jasaý bolyp otyr», dedi jobanyń bas sarapshysy Bolat Esekın.
