Májiliste et-sút ónimderi máseleleri talqylanady
NUR-SULTAN. QazAqparat - 24 mamyr - juma kúni Májiliste «Et jáne sút ónimderin óndirýdi, qaıta óńdeýdi jáne eksporttaýdy damytý perspektıvalary» taqyrybynda parlamenttik tyńdaý ótedi. Bul týraly Májilistiń baspasóz qyzmeti habarlady.
Jıynǵa Senat jáne Májilis depýtattary, jergilikti jáne ortalyq atqarýshy organ basshylary, «Atameken» UKP ókilderi, salalyq qoǵamdyq uıym músheleri, aýylsharýashylyǵy ónimderin óndirýshiler, sheteldik jáne otandyq sarapshylar, BAQ ókilderi qatysady dep kútilýde.
Parlamenttik tyńdaý barysynda atalǵan taqyryp tóńiregindegi negizgi suraqtar, memlekettik qoldaý, ishki naryqty jasandy ónimderden qorǵaý syndy mańyzdy máseleler talqylanbaq.
Shara qorytyndysy boıynsha Úkimetke usynymdar ázirlenetin bolady.
