Májiliste «Energııa únemdeý jáne energııa tıimdiligin arttyrý týraly» zań jobasynyń tanystyrylymy ótedi

dep habarlaıdy Májilistiń baspasóz qyzmeti.

Sonymen qatar «Qazaqstan Respýblıkasynyń keıbir zańnamalyq aktilerine energııa únemdeý jáne energııa tıimdiligin arttyrý máseleleri boıynsha ózgerister men tolyqtyrýlar engizý týraly»zań jobasynyń maqsaty da baıandalady.

Bul sharany Májilistiń Ekologııa máseleleri jáne tabıǵat paıdalaný komıteti uıymdastyryp otyr. Osy atalǵan komıtettiń tóraǵasy Erlan Nyǵmatýlınniń bergen málimetine súıensek, zań jobalary týraly depýtattar aldynda QR Indýstrııa jáne jańa tehnologııalar mınıstriniń birinshi orynbasary Albert Raý baıandama jasaıdy dep kútilýde.

Bul zań jobasy «Qazaqstannyń 2030 jylǵa deıingi Damý strategııasyn odan ári iske asyrý jónindegi sharalar týraly» Qazaqstan Respýblıkasy Prezıdentiniń 2007 jylǵy 6 sáýirdegi Jarlyǵyna sáıkes ázirlengen. Energetıkalyq resýrstardy paıdalaný salasyndaǵy qoǵamdyq qatynastardy jáne jeke jáne zańdy tulǵalardyń energııa únemdeý jáne energııa tıimdiligin joǵarylatý jónindegi quqyqtyq, ekonomıkalyq jáne qyzmettiń uıymdyq negizin retteıdi.

Zań jobasy energııa únemdeý jáne energııa tıimdiligin arttyrý salasyndaǵy negizgi sektorlarǵa: óndiris, turǵyn úı-kommýnaldyq, bıýdjet sektorlaryna nazar aýdarýdy kózdeıdi.

Zań jobasyn qabyldaý energetıkalyq resýrstardy paıdalaný tıimdiligin arttyrýǵa, ishki jalpy ónimniń energııany qajetsinýin tómendetýge jáne Qazaqstan ekonomıkasynyń tıimdi energııalyq damýyna qol jetkizýge múmkindik beredi.

Zań jobasy boıynsha qurylǵan jumys tobyna Májilistiń Ekologııa máseleleri jáne tabıǵat paıdalaný komıtetiniń múshesi Erbolat Ápsálıamov jetekshilik jasaıdy.