Májiliste eńbekshiler otbasy men erkin saýda máseleleri qaralatyn bolady
ASTANA. 21 qyrkúıek. QazAqparat - Búgin Májilis tóraǵasy Nurlan Nyǵmatýlınniń jetekshiliginde ótken Palata Bıýrosynyń otyrysynda depýtattar otbasylyq mindettemeleri bar er jáne áıel eńbekshiler men erkin saýda aımaǵy týraly máselelerdi aldaǵy aptada bolatyn jalpy otyrystyń kún tártibine engizýdi qarady.
Bul týraly májilistiń baspasóz qyzmetinen habarlandy.
Atalǵan eki zań jobasyn kún tártibine Halyqaralyq ister, qorǵanys jáne qaýipsizdik komıteti usyndy. Onyń birinshisi otbasylyq mindettemeleri bar er jáne áıel eńbekshilerge teń qaraý jáne teń múmkindikter berý týraly 156-konventsııany ratıfıkatsııalaýdy qarastyrady. Ekinshi joba erkin saýda aımaǵy týraly shartty ratıfıkatsııalaýǵa qatysty.
Parlamenttiń endi bastalǵan ekinshi sessııasynda Palata «Qazaqstan Respýblıkasy Іshki ister mınıstrliginiń Іshki áskerleri týraly» zańǵa ózgerister men tolyqtyrýlar engizý qarastyrylatyn bolady.
Bunymen qosa zań qorjynyn «Keden odaǵyna múshe memleketterdiń keden qyzmetteriniń birikken alqasy týraly shartty ratıfıkatsııalaý týraly» jáne «Eýrazııalyq ekonomıkalyq qoǵamdastyq sheńberinde Keden odaǵyna múshe memleketterdiń keden qyzmetteri ókildikteriniń qyzmeti máseleleri boıynsha keden isterindegi yntymaqtastyq jáne ózara kómek týraly kelisimdi ratıfıkatsııalaý týraly» zań jobalary tolyqtyrmaqshy. Joǵaryda atalǵan úsh zań jobasyna da Palatanyń Halyqaralyq ister, qorǵanys jáne qaýipsizdik komıteti qorytyndy ázirleıtin bolady.
