Májiliste «elektrondyq úkimetti» damytýdy kózdeıtin zań jobasynyń tanystyrylymy ótedi
ANA. Qarashanyń 9-y. QazAqparat. - Erteń, qarashanyń 10-y kúni, Májiliste elimizdiń keıbir zańnamalyq aktilerine Qazaqstannyń «elektrondyq úkimetin» damytý máseleleri boıynsha túzetýler engizýdi kózdeıtin zań jobasynyń tanystyrylymy ótedi,
dep habarlaıdy QazAqparat.
Zań jobasyn retteý máni aqparattyq júıelerdi qoldanyp, memlekettik qyzmetterdi elektrondyq nysanda kórsetýdi retteıtin quqyqtyq normalardy belgileý jolymen Qazaqstannyń «elektrondyq úkimeti» júıesin damytý máseleleri bolyp tabylady.
Zań jobasynyń tanystyrylymyn Májilistiń Ekonomıkalyq reforma jáne óńirlik damý komıteti uıymdastyryp otyr. Depýtattar aldynda QR Aqparattandyrý jáne baılanys agenttigi tóraǵasynyń orynbasary Erlan Dúrmaǵanbetov elimizdegi «elektrondyq úkimettiń» damý barysy, onyń búgingi jańalyqtary jóninde baıandama jasaıdy.
Atalǵan zań jobasy boıynsha jumys tobyna depýtat Shafhat Ótemisov jetekshilik jasaıdy.
