Májiliste ekonomıka salasyna kadrlardy daıyndaý máselesi talqylanady
ASTANA. QazAqparat - 16 mamyrda Parlament Májilisinde «Tehnıkalyq, kásiptik jáne joǵary bilim berý júıesinde ekonomıka salalary úshin kadrlar daıarlaýdyń sapasy men perspektıvalary» taqyrybynda parlamenttik tyńdaý ótedi, dep habarlaıdy Májilistiń baspasóz qyzmetinen.
Sharanyń bastamashysy jáne uıymdastyrýshysy - Palatanyń áleýmettik-mádenı damý komıteti.
«Komıtet tóraıymy Gúlnar Yqsanovanyń atap ótkenindeı ekonomıka salasyn kásibı mamandarmen qamtamasyz etýge qatysty sheshimin tappaǵan osy sharaǵa túrtki bolyp otyr.
Olardyń qatarynda mamandardy daıyndaý deńgeıi, aýyl sharýashylyǵy, ónerkásip, eńbek naryǵynda teńgerimsizdikti joıý, jumysshy jáne ınjener-tehnıkalyq kadrlardy daıyndaý, bilim baǵdarlamalarynyń ekonomıka suranysymen sáıkestiligi basqa da suraqtardy atap ótýge bolady.
Talqylaýǵa mınıstrlikter, ulttyq kompanııalar basshylary, jumys berý qaýymdastyǵy ókilderi, JOO rektorlary, kásibı jáne tehnıkalyq bilim berý uıymy dırektorlary shaqyryldy.
Parlamenttik tyńdaý qorytyndysy boıynsha tıisti usynystar qabyldaý josparlanýda», - dep jazylǵan baspasóz habarlamasynda.
