Májiliste depýtattar men apparat qyzmetkerlerine memlekettik nagradalar tabys etildi

ASTANA.QazAqparat - Májilis Spıkeri Nurlan Nyǵmatýlınniń tóraǵalyǵymen Táýelsizdiktiń 25 jyldyǵyna arnalǵan saltanatty jıyn ótti. Onda Májilis Tóraǵasy Elbasynyń Jarlyǵy boıynsha Palata depýtattary men Apparat qyzmetkerlerine memlekettik nagradalardy tabys etti, dep habarlaıdy Májilistiń baspasóz qyzmeti.

Jınalǵandardy táýelsizdik kúnimen quqttyqtaǵan Májilis Spıkeri óz sózinde:

- Eń aldymen barshańyzdy kele jatqan egemen elimizdiń eń mártebeli, eń uly merekesi - Táýelsizdik kúnimen shyn júrekten quttyqtaýǵa ruqsat etińizder.  Bıylǵy merekeniń orny da erekshe, mańyzy da óte zor. Endi úsh kúnnen keıin Elbasymyz Nursultan Ábishuly Nazarbaev negizin qalaǵan táýelsiz Qazaqstanymyzǵa týra 25 jyl tolady. Bul elimiz tarıhyndaǵy erekshe kezeń, úlken beles, tarıhı ýaqyt. Osy ýaqyttyń ishinde Prezıdentimizdiń kóregen saıasatynyń arqasynda bizdiń memleketimiz óte úlken  tabystarǵa,            jeńisterge jetti. Álemdik deńgeıde abyroıly da  bedeldi memleketke aınaldy.

Eń bastysy - elimizdiń bereke-birligi myqty jáne yntymaǵy zor. Bul tikeleı Elbasymyzdyń eren eńbeginiń jemisi. Osy jolda barsha qazaqstandyqtardyń, sonyń ishinde, sizderdiń de qosyp jatqan úlesterińiz óte zor,-dedi.

Saltanatty sharada Palata Tóraǵasynyń orynbasary Gúlmıra Isımbaevaǵa, Májilis depýtaty Janat Jarasovqa «Parasat» ordeni, Ahmet Mýradovqa II dárejeli «Dostyq» ordeni, Májilis depýtattary Merýert Qazbekovaǵa Evgenıı Kozlovqa, Aıgúl Nurkınaǵa, Turǵyn Syzdyqovqa jáne Májilis Apparaty Basshysynyń orynbasary Dastan Mahaevqa, Májilis Apparatynyń bólim meńgerýshisi Amanbek Ramazanovqa  «Qurmet» ordeni, Natalıa Jumadildaevaǵa, Magerram Magerramovke, Bahtııar Mákenge, Irına Ýnjaqovaǵa jáne Parlament Májilis Apparatynyń Baspasóz bóliminiń bas konsýltanttary Zámesh Keńesqyzy men Olga Abramovaǵa, bólim meńgerýshisiniń orynbasary Muratbek Ámirbekovke, Aıman Tókıevaǵa «Eren eńbegi úshin» medali, Janat Omarbekovaǵa «Shapaǵat» medali, Narıne Mıkaelıanǵa jáne sektor meńgerýshisi Natalıa Lotovaǵa Qurmet gramotasy berildi. 

 Sondaı-aq, osy kúni Májilis depýtattary men Apparat qyzmetkerleri «Qazaqstan Respýblıkasynyń táýelsizdigine 25 jyl» merekelik medaldarymen marapattaldy. 

Sonymen qatar, birqatar depýtattar men apparat qyzmetkerleri Ujymdyq qaýipsizdik týraly shart uıymy jáne Táýelsiz Memleketter Dostastyǵy Parlamentaralyq Assambleıalarynyń medaldaryna jáne Qurmet gramotalaryna ıe boldy.