Májiliste tsıfrlyq tehnologııalardy retteýge baǵyttalǵan zań jobasy tanystyryldy
«Memleket basshysynyń 2019 jylǵy 2 qyrkúıektegi Joldaýyn oryndaý úshin QR Tsıfrlyq damý, ınnovatsııalar jáne aeroǵarysh ónerkásibi mınıstrligi tıisti zań jobasyn ázirledi. Zań jobasyn qabyldaýdyń negizgi maqsaty – tsıfrlyq tehnologııalardy paıdalaný men engizýge baılanysty qoǵamdyq qatynastardy retteý úshin quqyqtyq negiz qurý. Zań jobasynda barlyǵy 252 túzetý bar», - dep toqtaldy QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Abylaıhan Ospanov.
Usynylǵan túzetýler 6 negizgi baǵytqa bólingen. Olardyń arasynda tsıfrlyq tehnologııalar, málimetter analıtıkasy, halyqqa qyzmet kórsetý boıynsha jaǵdaılar jasaý, ınvestıtsııalyq tartymdylyqty arttyrý, ulttyq qaýipsizdikti qamtamasyz etý men jeke derekterdi qorǵaý ári aqparattyq qaýipsizdikti qamtý sharalary eskerilgen.
«Málimetter analıtıkasyna toqtalsaq, búginde memlekettik organdardyń aqparattyq júıesinde strategııalyq baǵdarlamalar kórsetkishterin taldaý jáne boljaý úshin qundy sanalatyn málimetterdiń eleýli kólemi jınaqtalǵan. Memlekettik josparlaý júıesin tıimdi iske asyrý maqsatynda málimetter analıtıkasy tetigin reglamentteý usynylady. Usynylǵan normalar tájirıbe júzinde paıdalaný úshin derekter negizinde qundy analıtıkalyq qorytyndylardy alýǵa yqpal etýi tıis», - dedi vıtse-mınıstr.
Budan bólek ol halyqqa qyzmet kórsetý boıynsha jaǵdaılar jasaý baǵytyna toqtaldy. Memlekettik qyzmet kórsetýdi jetildirý maqsatynda zańnamalyq turǵyda bıometrııalyq derekterdi jınaý men paıdalaný tártibin bekitý usynyldy.
«Ózderińiz bilesizder, birqatar halyqqa qyzmet kórsetý ortalyqtarynda qanatqaqty rejimde erikti túrde bıometrııalyq derekterdi jınaý boıynsha joba iske qosyldy. Bul óz kezeginde bolashaqta azamattarǵa bıometrııalyq parametrleri arqyly óz qalaýymen memlekettik qymetterdi alýǵa múmkindik beredi», - dedi A. Ospanov.
