Májiliste bıýro otyrysy ótti
ASTANA. 7 jeltoqsan. QazAqparat - Búgin spıker Nurlan Nyǵmatýlınniń tóraǵalyq etýimen ótken Májilis Bıýrosynda aldaǵy aptada ótetin palatanyń jalpy otyrysynda qaralatyn kún tártibi naqtylandy. Bul týraly Májilistiń baspasóz qyzmetinen habarlandy.
Bıýro qaýlysyna sáıkes, Áleýmettik-mádenı damý komıteti «Qazaqstan Respýblıkasynyń keıbir zańnamalyq aktilerine onomastıka máseleleri boıynsha ózgerister men tolyqtyrýlar engizý týraly» Zań jobasyn birinshi oqylymǵa talqylaýǵa shyǵaratyn boldy. Budan bólek, Májilis Bıýrosy birqatar salalyq komıtetterge Úkimetten jańadan túsken «2000 jylǵy 19 mamyrdaǵy Qazaqstan Respýblıkasynyń Úkimeti men Ýkraına Mınıstrler Kabınetiniń arasyndaǵy azamattardyń ózara saparlary týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» (Halyqaralyq ister, qorǵanys jáne qaýipsizdik komıteti), «Qazaqstan Respýblıkasynyń keıbir zańnamalyq aktilerine arnaıy ekonomıkalyq aımaqtar máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine olardy Qazaqstan Respýblıkasynyń Memlekettik josparlaý júıesimen sáıkestendirý máseleleri boıynsha ózgerister engizý týraly» (Ekonomıkalyq reforma jáne óńirlik damý komıteti) sonymen qatar, «Azamattyq qorǵaý máseleleri boıynsha zań jobalaryna (Ekonomıkalyq reforma jáne óńirlik damý komıteti) ilespe túzetýlerimen qorytyndy ázirleýdi tapsyrdy.
