Májiliste bıýdjetke tolyqtyrýlar engiziletin zań jobasy qaralady
ASTANA. QazAqparat - Búgin Májilis spıkeri Nurlan Nyǵmatýlınniń tóraǵalyǵymen ótken Palatanyń Bıýro otyrysynda aldaǵy jalpy otyrystyń kún tártibi naqtylandy. Bul týraly Májilistiń baspasóz qyzmeti habarlaıdy.
Depýtattardyń talqylaýyna «2018-2020 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasy usynylady.
Ol Elbasynyń «Qazaqstannyń úshinshi jańǵyrýy: jahandyq básekege qabilettilik» jáne «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» joldaýlarynda aıtylǵan basym baǵyttardy, sondaı-aq Prezıdenttiń bes áleýmettik bastamasyn júzege asyrýǵa baǵyttalǵan.
Sonymen qatar, depýtattardyń qaraýyna «2004 jylǵy 18 maýsymdaǵy Ujymdyq qaýipsizdik týraly shart uıymy sheńberinde qupııa aqparattyń saqtalýyn ózara qamtamasyz etý týraly kelisimge ózgerister engizý týraly hattamany ratıfıkatsııalaý týraly» zań jobasy usynylady.
Sondaı-aq, kún tártibi jobasynda jańadan jumysqa alynatyn qujattar da bar. Olar: Qazaqstan men Vetnam Sotsıalıstik Respýblıkasy arasyndaǵy qylmystyq ister boıynsha ózara quqyqtyq kómek týraly jáne Qazaqstan men Lıtva arasyndaǵy bas bostandyǵynan aıyrýǵa sottalǵan adamdardy jáne medıtsınalyq sıpattaǵy májbúrleý sharalary qoldanylǵan adamdardy berý týraly sharttardy ratıfıkatsııalaý týraly zań jobalary.
