Májiliste balasyn emhanaǵa qaratpaıtyn jas analar týraly aıtyldy

ASTANA. QazAqparat - Keıbir analar balalarynyń múgedektikke shaldyǵýynyń alǵashqy belgileri baıqalsa da, dárigerlerge barmaıdy. Búgin Parlament Májilisinde QHA depýtattyq tobynyń otyrysynda QR Densaýlyq saqtaý mınıstrligi Medıtsınalyq kómekti uıymdastyrý departamentiniń dırektory Asqar Nasıbollauly osylaı málim etti, dep habarlaıdy QazAqparat tilshisi.

Balalardyń múgedektikke shaldyǵý sebepterine toqtalǵan ol, bul rette bastapqy kezeńnen dıagnostıkalaýdyń tómen deńgeıi máselesi bar ekenin jetkizdi.

«Perınataldyq ortalyqtar, perzenthanalar deńgeıinde dıagnostıkalyq quraldardyń jetkiliksizdigi bar. ıAǵnı bul belgilerdi erte anyqtaǵan kezde, bir jasqa deıingi balalar arasynda múgedektikke shaldyǵýdy tómendetýge yqpal etetin tıisti sharalardy júrgizýge bolady. Taǵy bir sebep ekologııalyq jaǵdaıǵa baılanysty, sondaı-aq týa bitken aýytqýlar da kezdesedi», - dedi departament basshysy.

Sonymen qatar ol azamattardyń kóbisi ózderiniń densaýlyǵyna jaýapkershilikpen qaramaıtynyn atap ótti.

«Keıbir kezderi jas analar balalarynda alǵashqy belgilerdi (múgedekke shaldyǵý protsesi) baıqasa da, medıtsınalyq uıymdarǵa barmaıdy. Dárigerlerdiń talabyna qaramastan, dinı jáne basqa da nyshandarǵa baılanysty medıtsınalyq kómekten bas tartyp jatady. Osy jaǵdaı búginde jıi baıqalýda», - dedi Asqar Nasıbollauly.

Bul turǵyda ol dinı ustanymdarǵa qatysty ata-analar men balalar emhanalarǵa múldem barmaıtynyn sóz etti.

«Osyndaı ustanymdar keńinen taraǵan óńirler bar. Atqarylǵan jumystarǵa qaramastan, tek medıtsınalyq qyzmetkerlerdiń kúsh-jigeri bul baǵyttaǵy sharalarǵa jetkiliksiz bolyp tur», - dedi vedomstvo ókili.