Májiliste bala quqyǵyn qorǵaýdy zańnamalyq jetildirý máseleleri talqylandy
Dóńgelek ústeldiń maqsaty halyqaralyq standarttarǵa negiz bolatyn balalar quqyǵyn qorǵaý erejeleri boıynsha ulttyq zańnamanyń sáıkestiligin kúsheıtý qajettiligi boldy. Sonymen qatar, bala quqyǵy týraly BUU Konventsııasy, kámelettik jasqa tolmaǵan balalarǵa baılanysty sot ádildigin jiberýge qatysty BUU mınımaldy standartty erejeleri, japa shekken balalar men qylmys kýágerleriniń qatysýymen baılanysty máselelerge qatysty BUU basty qaǵıdattary týraly talqylaý boldy.
Shara aıasynda Ádilet vıtse-mınıstri Záýresh Baımoldına ıývenaldyq ádiletti jetildirý máseleleri boıynsha jańa zań jobasyn tanystyrdy. Onyń aıtýynsha, atalǵan qujat balalarǵa áleýmettik psıhologtar men pedagogtardyń qyzmetin, kámelettik jasqa tolmaǵan balalarǵa áleýmettik jáne psıhologııalyq tekserisin usyný, bala ómirlik qıyn jaǵdaıda dep tanylýy múmkin sebepterdiń tizimin ulǵaıtýdy qosa eseptegen progressıvti erejeler engizýdi kózdeıdi.
Qatysýshylar sondaı-aq, Qazaqstan Respýblıkasy Bas prokýrorynyń kómekshisi Olga Pahomkova usynǵan Qylmystyq jáne Qylmystyq-protsessýaldyq kodeksi jobasynda bala quqyǵyn bekitý týraly baıandamasyn tyńdady. Al jıyn barysynda ıÝNISEF ókiliniń orynbasary Radoslav Jehak Qazaqstanda balalar úshin ıýstıtsııanyń damýy boıynsha ıÝNISEF kózqarasyn baıandap, qylmystyń qurbandary nemese kýási bolǵan balalardyń quqyǵyn qorǵaý qajettigin, sondaı-aq, quqyq buzý jáne qaıta qylmys jasaýdyń aldyn-alý maqsatymen qaýip tobyndaǵy balalar úshin áleýmettik qyzmetti damytýdyń mańyzdylyǵyn atap ótti.
Budan bólek, jıynda ádilet júıesinde balalar quqyǵyn qorǵaý boıynsha Frantsııanyń tájirıbesi saralandy.
