Májiliste azamattyq zańnamany jetildirýge baǵyttalǵan zań jobasy tanystyryldy
ASTANA. QazAqparat - Búgin QR Parlament Májilisinde «Qazaqstan Respýblıkasynyń keıbir zańnamalyq aktilerine azamattyq zańnamany jetildirý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy bolyp ótti.
Atalǵan zań jobasy Qazaqstan Respýblıkasynyń 2010-2020 jyldarǵa deıingi kezeńge arnalǵan quqyqtyq saıasat tujyrymdamasyn iske asyrý maqsatynda ázirlengen. Bul rette zań jobasy azamattyq zańnamany jetildirýge, onyń ishinde jeke quqyqtyń dıspozıtsııalyǵyn, zattyq quqyqtyq túrlerin, olardyń paıda bolý negizderin keńeıtýge baǵyttalady.
Budan bólek, úlestik menshikti ıelený, paıdalaný jáne oǵan bılik etý máselelerinde azamattardyń zańdy múddeleri men quqyqtaryn qamtamasyz etý qarastyrylyp otyr. Osy maqsatta zań jobasynda belgilengen tártippen bólip shyǵarý múmkin bolmaǵan jaǵdaıda, sottyń ony jarııa saýdaǵa salyp satý týraly sheshim qabyldaýyna baǵyttalǵan ımperatıvti normalar bekitilmek.
«Quqyqtyq bas tartý» jáne «quqyqty júzege asyrýdan bas tartý» uıymdary aıqyndalyp, zańdy tulǵalar ınstıtýtyn odan ári damytý úshin alǵysharttar qamtý da usynylǵan.
Tutastaı alǵanda, zań jobasyn iske asyrýdyń quqyqtyq jáne áleýmettik, ekonomıkalyq teris saldary joq.
