Májiliste «Áıelder men erlerdiń teń quqyqtary jáne teń múmkindikteri týraly» zań jobasy talqyǵa salynady
ASTANA. Qarashanyń 3-i. QazAqparat /Aıdyn Báımen/ - Qarashanyń 5-i kúni Májilistiń Áleýmettik-mádenı damý komıtetiniń uıymdastyrýymen ótetin otyrysta parlamentshiler bastamashylyǵymen daıyndalǵan «Áıelder men erlerdiń teń quqyqtary jáne teń múmkindikteri týraly» zań jobasy talqyǵa salynady,
dep habarlaıdy QazAqparat.
Májilistiń Áleýmettik-mádenı damý komıtetiniń tóraıymy Dınar Núketaevanyń aıtýynsha, atalǵan zań jobasy áıelder men erkekterdiń áleýmettik-eńbek qatynastaryndaǵy, bilim berý men ǵylym salasyndaǵy jáne qoǵamdyq-saıası ómirdiń basqa da salalaryndaǵy teńdigi kepildigin qamtamasyz etýge baǵyttalǵan.
