Májiliste avtomobıl joldaryndaǵy qaýipsizdikti qamtamasyz etý máselesi kóterildi

NUR-SULTAN. QazAqparat – Parlamet Májilisiniń jalpy otyrysynda depýtat Sergeı Reshetnıkov avtomobıl joldaryndaǵy qaýipsizdikti qamtamasyz etý máselesin kóterdi. Osyǵan oraı «Qazaqstan Halyq partııasy» fraktsııasynyń depýtattyq saýalyn joldady, dep habarlaıdy QazAqparat tilshisi.

«Tek osy jyldyń naýryz aıynyń basynda birneshe jol-kólik oqıǵasy boldy. Onyń ishinde kisi ólimimen aıaqtalǵandar bar. 2020 jyldyń 12 aıynda jol apatynan 1 997 adam qaza tapty, onyń ishinde 184-i kámeletke tolmaǵan. Bul tsıfrlar eldegi koronovırýs shyǵyndarymen salystyrǵanda birdeı», - dedi depýtat.

Onyń aıtýyna qaraǵanda, DDSU málimetteri boıynsha jol-kólik apaty kórsetkishi turǵysynda eń jaqsy elderde 100 myń turǵynǵa úsh ólimnen, al eń nashar elderde 100 myń turǵynǵa 40-qa jýyq ólimnen kelip otyr. Shvetsııada júzege asyrylǵan, joldardaǵy ólim-jitimge «nóldik tózimdilik» qaǵıdatyn qalyptastyrǵan «Vision Zero» strategııasy Eýropadaǵy jol-kólik oqıǵalarynan bolatyn ólim-jitimniń eń tómen kórsetkishterine qol jetkizýge múmkindik berdi.

Qazirgi ýaqytta Qazaqstandaǵy ólim-jitim kórsetkishi 100 myń adamǵa shaqqanda shamamen 10,5 adamnan keledi. Jol oqıǵalarynyń negizgi bóligi eldi mekenderde oryn alýda.

«Halyqaralyq sarapshylardyń usynymy boıynsha qozǵalys jyldamdyǵynyń orta eseppen 5 paıyzǵa tómendeýi ólimmen aıaqtalǵan jol-kólik oqıǵalary sanynyń 20 paıyzǵa qysqarýyna ákelýi múmkin», - dedi Sergeı Reshetnıkov.

Depýtattyq saýalda kóliktegi apattardyń aldyn alýdyń tıimdi sharalaryn ázirleý úshin jol qozǵalysy erejelerin buzýdyń mán-jaıyn anyqtaý mańyzdy ekenin atalyp ótken. ıAǵnı, júrgizýshi nemese jaıaý júrginshi nege osy erejelerdi buzǵanyn jáne olardy mundaı buzýshylyqqa barýǵa ıtermelegen sebepterdi izdeý qajet.

Jol qozǵalysy qaýipsizdigine teris áser etetin faktorlar arasynda mynalardy ataýǵa bolady: jol qozǵalysyna qatysýshylardyń daıyndyq deńgeıiniń tómendigi, jol polıtsııasy qyzmetkerlerine senimsizdik jáne jol qozǵalysyna qatysýshylar arasynda etıkalyq minez-qulyq normalarynyń bolmaýy.

Ókinishke qaraı, qazirgi ýaqytta jol-kólik oqıǵalarynda jaıaý júrginshilerdiń uqypsyzdyǵy men jol erejelerin buzý jaǵdaılary az emes ekenin moıyndaý kerek. Atap aıtqanda, júris bóliginde qulaqqappen júrý jáne joldy ruqsat etilmegen jerlerde kesip ótý kezinde qaıǵyly jaǵdaılar oryn alýda. Mundaı jaǵdaıda balalar kóp zardap shegedi.