Májiliste atom energııasyn beıbit maqsatta paıdalanýǵa arnalǵan zań jobasynyń tanystyrylymy ótti
ASTANA. Sáýirdiń 13-i. QazAqparat /Qanat Mámetqazyuly/ - Búgin QR Parlamenti Májilisiniń Ekologııa máseleleri jáne tabıǵat paıdalaný komıtetinde «Atom energııasyn paıdalaný» týraly zań jobasynyń tanystyrylymy ótip, depýtattar jobanyń tujyrymdamasyn talqylady,
dep habarlaıdy QazAqparat.
«Energııanyń osy túrin paıdalanýdyń birqatar erekshelikteri bar. Bul basqa energııa kózderimen salystyrǵanda ekologııalyq turǵydan taza bolǵanymen, asa qaýipti bolyp tabylady. Sondyqtan atom energııasyn paıdalaný salasyndaǵy qyzmetti, ondaǵy jaýaptylyqty zańmen bekitýdiń qoǵam úshin, halyq úshin mańyzy zor. Sol úshin de bundaı zań jobasyn jan-jaqty talqylaýda depýattyq korpýsqa janjaqty mindetter júkteledi», dedi jıyn barysynda komıtet tóraǵasy Erlan Nyǵmatýlın.
Toqtala ketetin jaıt, Qazaqstanda «Atom energııasyn paıdalaný týraly» qoldanystaǵy zań 1998 jylǵy sáýirdiń 14-inde qabyldanǵan bolatyn. Bul qujat atom energııasyn beıbit maqsatta paıdalaný salasyndaǵy qoǵamdyq qatynastardy retteýdiń quqyqtyq negizin belgileıdi. Sonymen birge, adamdardyń densaýlyǵy men ómirin qorǵaýǵa ári ıadrolyq jáne radıatsııalyq qaýipsizdikti qamtamasyz etýge baǵyttalǵan bolatyn.
«Al jańa redaktsııadaǵy zań jobasy 10 jyldan astam ýaqyt boıy osy salada jınaqtalǵan bilim men tájirıbeniń negizinde ázirlenip otyr. Osy kezeń ishinde Qazaqstan «ıAdrolyq qaýipsizdik týraly konventsııany», «Paıdalanǵan ıadrolyq otynmen qaýipsiz jumys isteý jáne radıoaktıvti qaldyqtarmen qaýipsiz jumys isteý týraly birikken konventsııalarǵa» qol qoıǵan bolatyn. Budan bólek, 1999 jyldan bastap joǵary baıytylǵan paıdalanylǵan ıadrolyq otynmen jumys isteýdi qamtıtyn BN-350 reaktoryn paıdalanýdan shyǵarýdyń aýqymdy jáne tehnıkalyq jaǵynan kúrdeli jobalary iske asyrylýda. Al jańa zań jobasyn qabyldaýdaǵy maqsat atalǵan saladaǵy zańnamalyq bazany odan ári jetildirý jáne atom energııasyn paıdalanýǵa baılanysty qyzmetti júzege asyrý kezinde qoǵamdyq qatynastardy quqyqtyq retteýdegi olqylyqtar men basqa da kemshilikterdi joıý bolyp tabylady», - dedi Indýstrııa jáne jańa tehnologııalar vıtse-mınıstri Dúısenbaı Turǵanov.
