Májiliste atqarýshylyq is júrgizýdi jetildirý jáne jeke basty kýálandyratyn qujattar týraly zań jobalary qaralady
ASTANA. 28 jeltoqsan. QazAqparat - Búgin Palata spıkeri Nurlan Nyǵmatýlınniń tóraǵalyǵymen ótken Májilis Bıýrosynda aldaǵy ótetin jalpy otyrysta qaralatyn máseleler naqtylandy.
Bul týraly palatanyń baspasóz qyzmetinen habarlady.
Halyqaralyq ister, qorǵanys jáne qaýipsizdik komıtetiniń baıandaýynsha, «Qazaqstan Respýblıkasy men Azııa Damý Banki arasyndaǵy Qaryz týraly kelisimdi (Jaı operatsııalar) (OAÓEY 1 kólik dálizi [Taraz qalasynyń aınalma joly] Joba) [Batys Eýropa - Batys Qytaı Halyq Respýblıkasy halyqaralyq tranzıt dálizi] ratıfıkatsııalaý týraly» zań jobasy depýtattardyń talqylaýyna shyǵarylady.
Sonymen qatar Palata Zańnama jáne sot-quqyqtyq reforma komıtetine «Qazaqstan Respýblıkasynyń keıbir zańnamalyq aktilerine atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» zań jobasy boıynsha qorytyndy ázirleýge merzimin anyqtaıtyn bolady.
Osy Komıtettiń aqparaty boıynsha «Jeke basty kýálandyratyn qujattar týraly» zańynyń jobasyna jáne ilespe túzetýlerge Senat engizgen ózgerister men tolyqtyrýlar da kún tártibiniń jobasyna qosylǵan.
Sonymen qatar, Palata Bıýrosy Qazaqstan Respýblıkasynyń Prezıdentiniń «Qazaqstan Respýblıkasy memlekettik organynyń úlgi erejesin bekitý týraly» Jarlyǵyn oryndaý úshin Májilis Apparaty týraly jańa Erejeni bekitti.
QR Parlamenti Májililisiniń Tóraǵasy Nurlan Nyǵmatýlın aldaǵy bolatyn jalpy otyrysta qaraýǵa josparlanǵan zań jobalaryn muqııat ázirleýdi tapsyrdy.
