Májiliste atqarýshylyq is júrgizýdi jetildirý máselelerine qatysty zań jobasyn talqylaýǵa arnalǵan dóńgelek ústel ótedi
ASTANA. 22 mamyr. QazAqparat - Búgin Májiliste «Qazaqstan Respýblıkasynyń keıbir zańnamalyq aktilerine atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» zań jobasyn talqylaýǵa arnalǵan dóńgelek
ústel ótedi (A№312 bólme, saǵat 15-00-de).
Bul basqosýdyQazaqstan Respýblıkasy Ádilet mınıstrligi Sot aktilerin oryndaý komıteti men Qazaqstan Respýblıkasy Parlamenti Májilisiniń Zańnama jáne sot-quqyqtyq reforma komıteti birlesip uıymdastyryp otyr.
Dóńgelek ústel jumysyna Parlament depýtattary, Prezıdent Ákimshiliginiń, Bas Prokýratýra, Joǵarǵy Sot jáne ózge múddeli memlekettik organdardyń ókilderi, Qazaqstannyń jetekshi ǵalymdary, «Policy Advisory Group» keńes tobynyń ókilderi qatysady dep josparlanýda.
Dóńgelek ústeldiń basty maqsaty - atalǵan zań jobasyn tanystyrý jáne taldaý.
Dóńgelek ústel barysynda Qazaqstan Respýblıkasynyń atqarý óndirisin jetildirý máseleleri jónindegi keıbir zańnamalyq aktilerindegi kemshilikter men qaıshylyqtardy joıý, sonymen qatar, sot oryndaýshylary qyzmetiniń tıimdiligin arttyrý maqsatynda olardyń ókilettikterin keńeıtý máseleleri talqylanatyn bolady.
