Májiliste ár túrli soǵystarǵa qatysýshylardyń qoǵamdyq quqyqtyq mártebesin aıqyndaýǵa qatysty másele qaraldy
ASTANA. Qyrkúıektiń 22-si. QazAqparat - Búgin QR Parlamenti Májilisi Tóraǵasynyń orynbasary Jánibek Káribjanov bastaǵan bir top parlamentshiler respýblıkalyq jáne aımaqtyq jaýynger-ınternatsıonalısterdiń ardagerler uıymynyń jetekshilerin qabyldady,
dep habarlaıdy QazAqparat.
Bul basqosýdyń negizgi taqyryby ár túrli soǵystarǵa qatysýshylardyń qoǵamdyq quqyqtyq mártebisin aıqyndaýǵa qatysty jáne áleýmettik qamtamasyz etýdi zańnamalyq retteý máselelerin qamtydy.
Otyrysta Almaty qalasyndaǵy jaýynger-ınternatsıonalıster uıymynyń úılestirý keńesiniń múshesi Baıkal Hamzın depýtattarǵa óz oıyn jetkizdi. «Nur Otan» HDP fraktsııa jetekshisiniń orynbasary Vladımır Nehoroshev, Májilistiń Qarjy jáne bıýdjet komıtetiniń tóraıymy Gúljan Qaraqusova, sonymen qatar Májilis depýtattary Amanǵos Ótegenov, Valerıı Doskalovtar óz pikirlerin bildirdi.
Osy kezdesýge «Nur Otan» HDP Saıası Keńesiniń múshesi, «Aýǵan jáne lokaldy soǵystarynyń ardagerleri odaǵy» respýblıkalyq uıymynyń tóraǵasy Sháripbaı Ótegenov, Májilistiń Áleýmettik-mádenı damý komıtetiniń tóraıymy Dınar Nóketaeva, depýtat Saýyrbaı Esjanov qatysty.
