Májiliste adamı kapıtaldyń básekege qabilettiligi jáne ony zańnamalyq turǵydan qamtamasyz etý máseleleri talqyǵa salynady
ASTANA. 8 jeltoqsan. QazAqparat - 10 jeltoqsan, juma kúni Májiliste «Adamı kapıtaldyń básekege qabilettiligi jáne ony zańnamalyq turǵydan qamtamasyz etý» taqyrybyndaǵy ǵylymı-praktıkalyq konferentsııa óz jumysyn bastaıdy.
Konferentsııaǵa Parlament depýtattary, Májilis janyndaǵy Qoǵamdyq Palatanyń músheleri, saıası partııalar men úkimettik emes uıymdardyń jetekshileri, sondaı-aq bilim jáne ǵylym, eńbek jáne halyqty áleýmettik qorǵaý, densaýlyq saqtaý mınıstrlikteriniń basshylary, joǵary oqý oryndarynyń rektorlary, ǵalymdar men birqatar memlekettik organdardyń ókilderi qatysady.
Osy basqosýda Májilis Tóraǵasynyń orynbasary, Qoǵamdyq Palatanyń tóraǵasy Vladımır Bobrov kirispe sóz sóıleıdi dep kútilýde.
Konferentsııada QR Bilim jáne ǵylym mınıstriniń orynbasary Serik Yrsalıevtiń, Qoǵamdyq Palatanyń múshesi, qarjy-ekonomıkalyq reforma jáne aımaqtyq damý sektsııasynyń jetekshisi, ekonomıka ǵylymdarynyń doktory Orazaly Sábdenniń baıandama jasaıtyny kózdelgen.
Sondaı-aq Májilistiń Áleýmettik-mádenı damý komıtetiniń tóraıymy Dınar Nóketaevanyń, Qoǵamdyq Palata Tóraǵasynyń orynbasary, Qazaq gýmanıtarlyq zań ýnıversıtetiniń rektory Maqsut Nárikbaevtyń kún tártibindegi taqyryp aıasynda baıandama jasaıtyny qarastyrylǵan.
Sonymen qatar «Nazarbaev Ýnıversıteti» kommertsııalyq emes aktsıonerlik qoǵamy atqarýshy keńesiniń tóraǵasy Aslan Sárinjipov, Qoǵamdyq Palatanyń múshesi, Qazaqstan Respýblıkasy Kásipodaqtary Federatsııasynyń tóraǵasy Sııazbek Muqashev, L.Gýmılev atyndaǵy Eýrazııa Ulttyq ýnıversıteti janyndaǵy Іrgetastyq zertteýler ınstıtýtynyń dırektory Asqar Arynǵazın, «Parasat» Ulttyq ǵylymı-tehnologııalyq holdıngi» AQ basqarmasynyń tóraǵasy Nuraly Bekturǵanov sóz sóıleıdi dep kútilýde.
Konferentsııanyń sońynda ortaq pikirler negizinde qorytyndy qujat qabyldanatyny josparlanyp otyr.
