Májilismender jergilikti ózin-ózi basqarýdy damytýǵa arnalǵan zań jobasymen tanysty
ASTANA. 19 sáýir. QazAqparat - Búgin Parlament Májilisinde «Qazaqstan Respýblıkasynyń keıbir zańnamalyq aktilerine jergilikti ózin-ózi basqarýdy damytý máseleleri boıynsha ózgerister men tolyqtyrýlar engizý týraly» zań jobasy tanystyryldy.
Atalǵan qujat Memleket basshysynyń byltyrǵy jeltoqsan aıyndaǵy halyqqa Joldaýyn júzege asyrý aıasynda ázirlengen. Bul rette zań jobasynyń maqsaty jergilikti azamattardyń ózin-ózi basqarýdy júzege asyrýǵa konstıtýtsııalyq quqyǵyn iske asyrýdy qamtamasyz etý bolyp tabylady. Budan bólek, aýdandar (qalalar) máslıhattarynyń ákimshilik aýmaqtyq birlikteriniń tómengi deńgeıdegi ákimderiniń saılaýyn engizý kózdeledi. Halyqtyń jergilikti mańyzy bar máselelerdi sheshýdegi rólin arttyrý úshin quqyqtyq jaǵdaılar jasalatyn bolady.
Tutastaı alǵanda zań jobasyn qabyldaý halyqtyń qatysýyn yntalandyrý boıynsha jergilikti qoǵamdastyqtyń jınalystary (jıyndary) arqyly jergilikti mańyzy bar máselelerdi sheshýde halyqtyń róli men jaýapkershiligin arttyratyn bolady. Budan bólek, jergilikti jurtshylyqty tolǵandyratyn asa túıtkildi problemalardy sheshý úshin halyqtyń belsendi bóligin basqarýshylyq sheshimder qabyldaý protsesine tartý tetigi engiziledi.
Sonymen birge, jergilikti mańyzy bar máselelerdi sheshýde basqarýdyń tómengi deńgeıiniń qarjylyq jáne ekonomıkalyq derbestigin keńeıtýge múmkindik týǵyzady.
