Májilismender tal-terekter alleıasyn jasady
ASTANA. 21 qyrkúıek. QazAqparat - Astanalyq Turan dańǵyly tal-terekter alleıasymen kóriktene tústi. Ony Astanada ótken senbilikte Májilis depýtattary qolǵa aldy.
Bul týraly QR Parlamentiniń baspasóz qyzmetinen habarlady.
Parlament ókilderi terektermen qosa, shaǵan, úıeńki aǵashtaryn da otyrǵyzdy.
Kóshetter Astanadaǵy «jasyl beldeý» orman tálimbaǵynan arnaıy jetkizildi.
Qalany kógaldandyrý men abattandyrýǵa arnalǵan jalpy qalalyq senbilikke Májilistegi úsh partııanyń: «Nur Otan» HDP, «Aq jol» QDP jáne QHKP músheleri, sonymen birge, Qazaqstan halqy Assambleıasynan saılanǵan depýtattar qatysty.
Senbilikke halyq qalaýlylarymen birge Parlament Májilisiniń Apparatynda jumys isteıtin memlekettik qyzmetkerler de belsene aralasty.
Osy kúni Májilis barlyǵy 200 jas aǵashtar otyrǵyzdy.
