Májilismender ShQO turǵyndaryna Elbasy Joldaýyn túsindirdi

ÓSKEMEN. QazAqparat - QR Parlamenti Májilisiniń depýtattary, «Nur Otan» partııasy fraktsııasynyń ókilderi Evgenıı Kozlov pen Shavhat Ótemisov Ulan aýdany Vostochnoe aýylynyń turǵyndarymen kezdesti, dep habarlaıdy «QazAqparat» HAA tilshisi partııanyń oblystyq bólimshesiniń baspasóz qyzmetine silteme jasap. 

Májilismender Memleket basshysynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýyn túsindirdi.

«Joldaýda Prezıdent júzege asyrylýy tıis 10 basym baǵytty anyqtap berdi. Birinshi kezekte Elbasy ındýstrııalandyrý men jańa tehnologııalardy engizýdiń kóshbasshysyna aınalý kerektigin atap aıtty. Qazaqstan álemdegi damyǵan 30 eldiń qataryna tezirek enýi úshin Sizdermen biz jumyla jumys jasap alǵa qoıylǵan maqsattardy tolyǵymen oryndaýymyz kerek. Joldaýda agroónerkásip salasyn avtomattandyrý jaıy aıtyldy. Bizdiń aýylsharýashylyǵymyz básekege qabiletti bolýy úshin búginnen bastap tehnıkalardy jańartyp, avtomattandyrý júıesine kóshýimiz qajet», - dedi Shavhat Ótemisov.

Sondaı-aq, Joldaýdyń áleýmettik salasyn halyqqa túsindirgen Evgenıı Kozlov ustazdardyń jalaqysynyń kóterilýi men áleýmettik salany qarjylandyrýdyń artqanyn tilge tıek etti.

«Ustazdardyń jalaqysy 30-dan 50 paıyzǵa deıin joǵarylaıdy. Bul degenimiz, elimizde sapaly bilim alýǵa, sapaly bilim berýge barlyq jaǵdaı jasalyp jatyr degen sóz. Áleýmettik qoldaý salasyna bólinetin qarjy kólemi 12 paıyzǵa artty. Bul buryn sońdy bolmaǵan kórsetkish», - dedi depýtat.

Jıyn barysynda jergilikti turǵyndar halyq qalaýlylaryna ózderin tolǵandyrǵan saýaldaryn qoıdy. Suraqtardyń kóbi jer berý, aýylsharýashylyǵyn sýbsıdııalandyrý men jol jóndeý máselesine baǵyttaldy.