Májilismender ǵylymı joba konkýrstaryn bastan-aıaq ashyq ótkizýdi usyndy
«Bul zań jobasy Memleket basshysynyń ǵylymdy qarjylandyrýdyń ashyqtyǵyn qamtamasyz etý jáne ǵylymı zertteýlerdiń sapasyn arttyrý tapsyrmasyn oryndaý maqsatynda ázirlengen. ıAǵnı bul qujattyń basty maqsaty – ǵylym boıynsha granttyq, baǵdarlamalyq jáne maqsatty qarjylandyrýdyń ashyqtyǵyn qamtamasyz etý, jemqorlyqqa ıtermeleýi múmkin normalardy alyp tastaý. Bizde ǵylymı-tehnıkalyq jumystyń nátıjesin kommertsııalaýdyń qarjylandyrý mehanızmi zańnamalyq turǵyda tolyqqandy jazylmaǵan. Bul kemshilikterdi osy zań jobasy arqyly retteý kózdelip otyr. ıAǵnı granttyq qarjylandyrýdyń mehanızmi tolyǵymen jazylady», - dedi Parlament Májilisiniń depýtaty Jámılá Nurmanbetova vedomstvoaralyq komıssııa otyrysynan keıin tilshilerge.
Májilismenniń aıtýynsha, zań jobasy arqyly ulttyq ǵylymı keńestiń sapaly quramyn jasaqtaý da josparda bar.
«Jalpy konkýrstar ádiletsiz ótti degen syńaıdaǵy ǵalymdardyń shaǵymy buǵan deıin aıtylyp kele jatyr. Sol sebepti ashyqtyqty qamtamasyz etý úshin ulttyq ǵylymı keńestiń sheshimderi ashyq daýys berý jolymen ári bekitilgen bıýdjet aıasynda ótkenin qalaımyz. Sonymen qatar zań jobasy konkýrstardy jarııalaý, oǵan qatysý týraly ótinimder jáne konkýrs sheshimine deıingi protsestiń tolyq barysyn ashyq aqparat kózderinde jarııalaýdy kózdeıdi. ıAǵnı bul konkýrsty jarııalaǵan mınıstrliktiń saıtynda bul málimettiń bári de ashyq bolýy tıis», - deıdi ol.
Jámılá Nurmanbetova óz sózinde kez kelgen adam Bilim jáne ǵylym mınıstrliginiń saıtyna kirip, kimniń konkýrsqa qatysqanyn, kimniń jeńimpaz atanǵanyn bilip otyrýy kerektigin aıtyp ótti.
Bilim jáne ǵylym mınıstrligi Májilis depýtattary usynǵan 42 normanyń 29-yn qoldaǵan. 11 normany qoldamaǵanymen, aldaǵy otyrystarda zań jobasy keńinen talqylanbaq.
