Májilismender elordany kógaldandyrýǵa atsalysty
NUR-SULTAN. QazAqparat - Búgin Májilis depýtattary men apparat qyzmetkerleri elordamyzdy kógaldandyrýǵa óz úlesterin qosty, dep habarlaıdy QazAqparat.
«Respýblıkalyq ekologııalyq naýqan aıasynda halyq qalaýlylary Nur-Sultan qalasyndaǵy Máńgilik el men Uly dala dańǵyldarynyń qıylysyndaǵy jańa «depýtattyq alleıaǵa» 130-dan astam qaraǵaı, qaıyń, shaǵan, terek, jóke jáne mamyrgúl aǵashtaryn otyrǵyzdy», - dedi Májilistiń baspasóz qyzmetinen.
Kóshetter elordamyzdyń «jasyl beldeýinde» ornalasqan orman baǵynan ákelingen.
Búgingi ekologııalyq sharaǵa Qazaqstan Prezıdenti Qasym-Jomart Toqaevtyń qatysqanyn jazǵan bolatynbyz.
Aıta keteıik, Nur-Sultan qalasynda 16 qyrkúıek-13 qazan aralyǵynda ekologııalyq aılyq ótip jatyr. Onyń aıasynda 12 qazan kúni Nur-Sultanda aǵash otyrǵyzý aktsııasy ótetini belgilengen edi.
Búkilálemdik jasyl jelek otyrǵyzý kúnine oraılastyrylǵan shara elimizdiń barlyq óńirinde qoldaý tapty.
QR Ekologııa, geologııa jáne tabıǵı resýrstar mınıstri Maǵzum Myrzaǵalıev atap ótkendeı, 12 qazan kúngi kampanııa barysynda jáne jalpy kúz aıynyń sońyna deıin respýblıkada 1 mıllıonǵa jýyq aǵash otyrǵyzylady.
