Májilismender Aqmolanyń «aqyldy» qalasyndaǵy ahýaldyq ortalyqtyń jumysymen tanysty
NUR-SULTAN. QazAqparat - Májilis depýtattary J.Dúısebaev, G. Qaraqusova jáne T. ıAkovleva Aqmola oblysynyń Aqkól qalasyndaǵy «Smart Aqkol» ahýaldyq ortalyǵyna bardy, dep habarlaıdy QazAqparat Májilistiń baspasóz qyzmetine silteme jasap.
Azamattardyń turmys sapasyn arttyrýǵa, qolaıly ári qaýipsiz orta qalyptastyrýǵa baǵyttalyp, tsıfrlandyrý salasynda júzege asyrylǵan «Smart city» jobasymen tanysqan depýtattar atalǵan ortalyqtyń bolashaǵy zor ekenine nazar aýdardy.
Jan-jaqty sońǵy tehnologııamen qamtamasyz etilgen ortalyq odan ári durys, ári naqty jumys istese turǵyndarǵa shynaıy kómegin tıgizbek.
«Qalanyń eń negizgi degen suraqtaryn basqarý júıesi qurylǵan. Onyń ishinde densaýlyq saqtaý, oqý salasy, tártip salasy, jaryqpen qamtamasyz etý, ýaqytynda jedel-járdem kórsetý máseleleri jáne taǵy basqa jaǵdaılar burynǵydaı sheshilmeı ýaqytynda sheshilip halyq óziniń jaǵdaıyn jaqsartýǵa jol ashady», - dedi Májilis depýtaty J.Dúısebaev. Aıta ketý kerek, «Smart Aqkol» jobasy Tuńǵysh Prezıdent–Elbasy Nursultan Nazarbaevtyń tapsyrmasy boıynsha «Tsıfrly Qazaqstan» memlekettik baǵdarlamasy aıasynda júzege asyrylǵan.
Onda barlyq derekter dıspetcherlik zaly, monıtorıngileýge arnalǵan beıneqabyrǵasy jáne beınekonferentsbaılanys júıesi, call-ortalyǵy bar obektige – ahýaldyq ortalyqqa kelip túsedi.
Ahýaldyq ortalyq vedomstvoaralyq ózara is-qımyldy uıymdastyrý, qala ómirin taktıkalyq jáne strategııalyq basqarý, qala resýrstary týraly durys jáne óz ýaqytyndaǵy derekterdi agregattaý, qaýipsizdikti qamtamasyz etý boıynsha sheshimderdi kórsetý úshin qajetti ınfraqurylymmen jabdyqtalǵan. Derekterdi jınaý jáne óńdeý býnkerlik tıptegi «Qazaqtelekom» AQ derekterdi óńdeý ortalyǵynda júrgiziledi.
