Májilismen múmkindigi shekteýli balalardyń áleýmettik problemalaryn atady
ASTANA.QazAqparat - QR Parlamenti Májilisiniń depýtaty Irına Smırnova elimizdegi múmkindigi shekteýli balalardyń áleýmettik problemalaryn atady, dep habarlaıdy QazAqparat.
«Múgedekterdiń nemese múgedek bolýy múmkin tulǵalardyń jolynda kezdesetin kedergilerge toqtalsam deımin. Eń birinshi kedergi - akýsherlik agressııa. Bul deni saý balanyń dúnıege kelýine áleýmettik kedergi jasaıtyn problemalardyń biri», - dedi ol Májilistegi «Halyq kommýnısteri» fraktsııasynyń keńeıtilgen otyrysynda.
Onyń aıtýynsha, damýynda aýytqýy bar balalardyń keshendi qoldaýdaǵy aldyn alý sharalarynyń bolmaýy da múmkindigi shekteýli jandardyń áleýmettik problemalarynyń biri bolyp otyr. Sonymen qatar medıtsınalyq modelden áleýmettik modelge kóshýde, ınklıýzıvti bilim berýde de kedergiler bar.
«Múgedektik kemsitýshilik faktor bola almaıdy jáne bolmaýy da tıis. Besinshi kedergi - segregatsııa. Búginde psıhologııalyq-nevrologııalyq aýytqýy bar, aqyl-esi kemis eki myńnan astam bala jabyq úlgidegi qazynalyq kásiporynda tárbıelenýde... Altynshy kedergi - bul balalardyń áleýmettenýge daıyndaýdyń joqtyǵy», - dedi Irına Smırnova.
