Májiliske ótý shegin 7-den 5 paıyzǵa túsirý bastamasy kóppartııaly plıýralızmge jol ashady – Nurtaı Nurǵalı
Onyń aıtýynsha, Toqaevtyń prezıdenttikke kelýimen bastalǵan saıası modernızatsııa jalǵasyn taba bermek.
«Prezıdent VII shaqyrylymdaǵy Májilistiń ashylýynda iri saıası reformalar paketin jarııalady. Bul prezıdenttiń úshinshi, kezekti aýqymdy saıası bastamalar paketi. Toqaevtyń prezıdenttikke kelýimen bastalǵan saıası modernızatsııa júzege asa bermek. Eń áýeli Májiliske ótý shegin 7-den 5 paıyzǵa túsirý bastamasy kóppartııaly plıýralızmge jol ashady. Men bilim alǵan Túrkııada bul meje 10 paıyz», - dedi Nurǵalı Nurtaı.
Sarapshy Prezıdent usynǵan balamaly pikir jáne bárine qarsy daýys berý uǵymy barlyq kózqarastaǵy azamattardyń pikirine qulaq asý ekenin aıtty.
«Barlyq deńgeıdegi saılaý bıýlletenderine «bárine qarsymyn» degen jazý engizgen jón» dedi. Osy sóz unady. Bul sońǵy saılaýǵa kelmeı qalǵan 37 paıyz elektorattyń pikirin eskerý ǵoı dep oılaımyn. Osy jáne onlaın-petıtsııalar ınstıtýtyn engizý qoǵamnyń barlyq pikirin eskerý jáne «qulaq asatyn memleket» kontseptsııasynyń aıqyn kórinisi. Qoǵamdyq baqylaý júıesin odan ári jetildirý azamattyq jaýapkershilikti kúsheıtedi jáne memlekettik saıasatty tıimdi júzege asyrýǵa yqpal etedi», - dedi maman.
Onyń aıtýynsha, Memleket basshysy jarııalaǵan reformalar adam quqyqtaryn qorǵaýǵa baǵyttalady.
«Memleket basshysynyń saıası reformalary júıeli jáne dáıekti. Kúzdegi ekinshi joldaýynda Prezıdent aýyl ákimderin saılaý týraly aıtsa, búgin aýdan ákimderin saılaýǵa kóshýdi usyndy. Al, Memleket basshysynyń Jastardyń damý ındeksin engizý usynysy biz sııaqty jastar úshin eń qoldaıtyn jáne qajetti bastama. Jastar arasyndaǵy negizgi qajettilikter men tendentsııalardy anyqtaýǵa kómektesetini anyq. Jańa parlament Prezıdent bastamalaryn jedel júzege asyrady dep senemin», - dedi spıker.
