Májiliske depýtat bolyp bedeldi qoǵam qaıratkerleri keldi - sarapshy
NUR-SULTAN. QazAqparat – QR Prezıdenti janyndaǵy Qazaqstan strategııalyq zertteýler ınstıtýtyndaǵy Áleýmettik zertteýler bóliminiń basshysy Mádına Nurǵalıeva «Nur Otan» partııasy atynan Májiliske depýtat bolyp bekitilgen adamdarǵa pikir bildirdi, dep habarlaıdy QazAqparat tilshisi.
«Tizim eleýli túrde jańarǵanyn baıqadyq. Jańa adamdar kelgen. Osy oraıda Májiliste kóteriletin máselelerge aıtarlyqtaı yqpal ete alatyn qoǵam qaıratkerleri bar», - dep toqtaldy sarapshy.
M. Nurǵalıevanyń aıtýynsha, «Nur Otan» partııasynan Májilis depýtattarynyń tizimindegi Erlan Saıyrov, Aıdos Sarym, Qanat Nurov sııaqty azamattar sarapshylar qoǵamdastyǵynda úlken bedelge ıe. Olar birqatar salmaqty bastamalarymen eldiń damýyna úles qosyp keledi.
«Bul adamdar qoǵamdaǵy máselelerdi óte jaqsy biledi. Olar óte saýatty ári patrıot azamattar. Sondyqtan Qazaqstannyń bolashaǵy úshin áreket etetin osyndaı adamdardyń nátıjeli eńbegin kóremiz degen oıdamyn. Májiliste depýtat retinde jumysyna kirise otyryp, olar el úshin kúsh-jigerin salatyn qoǵam qaıratkerleri», - dedi Mádına Nurǵalıeva.
Aıta keteıik, Májilistegi «Nur Otan» partııasy Fraktsııasynyń quramy 70%-ke jańardy. Ortasha jasy - 49, ıaǵnı 4 jylǵa jasardy.
Depýtattyqqa kandıdattardyń 7-ýi ǵana burynǵy memlekettik qyzmetker, ıaǵnı Fraktsııa quramynda olardyń sany 10%-ten aspaıdy.
