Májiliske atom energııasyn beıbit maqsatta paıdalanýǵa qatysty zań jobalary kelip tústi
ASTANA. Qańtardyń 2-si. QazAqparat - QR Parlamenti Májilisine Úkimetten atom energııasyn beıbit maqsatta paıdalanýǵa qatysty halyqaralyq qujattardy bekitýdi kózdeıtin zań jobalary kelip tústi,
dep habarlaıdy QazAqparat.
Atap aıtqanda, bul quramda úsh zań jobasy bar. ıAdrolyq apat týraly jedel habarlaý jónindegi; ıadrolyq qaýipsizdik týraly jáne ıadrolyq apat jaǵdaıyndaǵy nemese radıatsııalyq apat jaǵdaıyndaǵy kómek týraly konventsııalardy bekitý usynylǵan.
Úkimetten kelip túsken osy úsh zań jobasy boıynsha bas komıtet retinde Májilistiń Halyqaralyq ister, qorǵanys jáne qaýipsizdik komıteti jumys jasaıtyn bolady. Zań jobasy jóninde depýtattarǵa QR Energetıka jáne mıneraldyq resýrstar mınıstrligi baıandaıtyny kózdelip otyr.
Osy Konventsııalardy ratıfıkatsııalaý Qazaqstannyń atom energııasyn beıbit maqsatta paıdalaný salasyndaǵy halyqaralyq yntymaqtastyǵyn odan ári damytýǵa yqpal etedi. Sonymen qatar bul qujattardy bekitý elimizdiń ıadrolyq qarýdy taratpaý rejımin nyǵaıtý jónindegi sharalardy jaqtaıtyndyǵyn kórsetedi jáne osy saladaǵy saıası baǵytynyń ózgermeıtindigin qýattaıdy.
