Májilisi depýtattary Batys Qazaqstandaǵy eńbek ujymdarymen kezdesti

ORAL. QazAqparat - Batys Qazaqstan oblysyna jumys sapary aıasynda QR Parlamenti Májilisiniń depýtattary Jamalov Amanjan men Snejanna Imasheva birinshi kezekte qurylys materıaldaryn óndirý zaýytyna baryp, kásiporyn basshylyǵymen damý perspektıvalary men uıymnyń problemalyq máselelerin talqylady. Bul týraly QazAqparat tómengi palatanyń baspasóz qyzmetine silteme jasap habarlaıdy.

Kez kelgen ǵımarattyń negizi - ol salynǵan qurylys materıaldary, al óndirýshiler tutynýshylyq suranys úshin kúreste qurylys materıaldarynyń sapasyna kóbirek kóńil bóle bastady. Qazaqstannyń batys óńirinde qurylys materıaldary naryǵynda 15 jyl boıy kóshbasshylardyń biri «Batys Qazaqstan Qurylys Materıaldarynyń Korporatsııasy» AQ bolyp tabylady, onyń qyryq jyldan astam tarıhy bar jáne qurylysta paıdalanylatyn materıaldardy (sılıkatty kirpish, ák, qurǵaq qurylys qospalary, qýysty beton jáne t.b.) shyǵarýǵa mamandanǵan respýblıkanyń qurylys ındýstrııasynyń ejelgi kásiporyndarynyń biri bolyp tabylady.

Osy jyldyń úshinshi toqsanynda zaýytta quny 1,5 mlrd teńge bolatyn sılıkat kirpishin shyǵaratyn №1 tsehqa jańǵyrtý júrgizý josparlanyp otyr. Bolashaqta munda jyl saıyn 80 mln dana kirpish shyǵarylady. Ótken jyly 50 mln sılıkat kirpish shyǵaryldy. Bıylǵy jyldyń birinshi partııasynda 9 mln dana kirpish shyǵaryldy, qazir nysanda 200 adam jumys isteıdi, jalpy korporatsııada 440 adam eńbek etedi. Ónimder ishki naryqty tolyǵymen jabady. Kásiporyn dırektorynyń aıtýynsha, koronavırýstyq ınfektsııanyń shyńy kezinde ónimdi jetkizýde qıyndyqtar týyndady.

Zaýyttyń negizgi máseleleriniń biri ekologııaǵa zııan keltirmeı kirpishtiń ónerkásiptik óndirisiniń kólemin ulǵaıtý bolyp tabylady. Sondaı-aq, óndiris kóleminiń artýy qosymsha gaz kólemin qajet etetini anyq. «QazTransGazAımaq» jergilikti gaz operatoryna joldanǵan usynys oń nátıje bergen joq. Bul másele zaýyttyń ekologııalyq turaqtylyǵyna áser etýi múmkin.

Májilis depýtaty bul másele Úkimet otyrysynda sózsiz aıtylatynyn jáne orta jáne iri kásiporyndardyń ónimdiligi kólemin ekologııaǵa zııan keltirmeı retteý máselesin kóteretinin atap ótti. Qorytyndylaı kele, kásiporynnyń barlyq qyzmetkerlerine qurylys ındýstrııasyna qosqan eleýli úlesi úshin alǵys bildirdi.

10 kún ishinde Májilis depýtattary - «Nur Otan» fraktsııasynyń músheleri Amanjan Jamalov, Málik Qulshar jáne Snejanna Imasheva oblystyń barlyq aýdandaryna baryp, oblys turǵyndarymen 60-tan astam kezdesý ótkizdi.

Aıta ketý kerek, barlyq kezdesýler sanıtarlyq-epıdemıologııalyq normalardy saqtaı otyryp, oflaın formatta ótti.

Sondaı-aq, oblys ortalyǵyndaǵy azamattardy qabyldaý barysynda Májilis depýtattaryna Batys Qazaqstan oblysynyń 70-ten astam turǵyny jolyǵyp, birneshe máselelerdi kóterdi. Atap aıtqanda, turǵyn úı, áleýmettik qamsyzdandyrý, múgedektikti resimdeý, shaǵyn jáne orta bıznes obektilerin zańnamalyq qoldaý, basqa memleketterdiń (Aýǵanstan, Taýly Qarabaq) aýmaǵyndaǵy urys qımyldarynyń ardagerlerin jeńildiktermen qamtamasyz etý, tutynýshylardyń quqyqtaryn qorǵaý jáne balalar úıiniń túlekteri úshin jalǵa beriletin turǵyn úı bólý jáne t.b. Barlyq suraqtarǵa zańnamalyq sıpattaǵy keńester berildi. Olardyń bir bóligi depýtattardyń jeke baqylaýyna alyndy.