Májilis jýrnalısterge arnalǵan syılyqqa ótinish qabyldaýdy bastady
ASTANA. QazAqparat - Búgin Parlament Májilisiniń jýrnalısterge arnalǵan «Parlament sózi» syılyǵyna úmitkerlerden ótinim qabyldaý bastalady. Bul jaıynda Májilistiń baspasóz qyzmetinen málim etti, dep habarlaıdy QazAqparat tilshisi.
Jýrnalısterge arnalǵan arnaıy parlamenttik syılyq 2016 jyly Palata Spıkeri Nurlan Nyǵmatýlınniń tóraǵalyq etýimen Májilis Bıýrosynyń sheshimi boıynsha taǵaıyndalǵan bolatyn. Ataýly syılyqqa Palatanyń zań shyǵarýshylyq qyzmeti jaıynda 2017 jyldyń 1 qyrkúıegi men 2018 jyldyń 14 maýsymy aralyǵynda jazylǵan jáne jaryq kórgen materıaldar qabyldanady.
Jeńimpazdar alty atalym - Májilistiń qyzmeti týraly úzdik televızııalyq, merzimdik baspasóz, ǵalamtor men radıomaterıaldar, sonymen birge, foto jáne beıne-materıaldar boıynsha anyqtalady. Sondaı-aq, Qazaqstan parlamenttik jýrnalıstıkasynyń damýy men órkendeýine úles qosqandar da eskeriletin bolady. Syılyqqa úmitkerlerdi buqaralyq aqparat quraldarynyń basshylary, shyǵarmashylyq odaqtar, qoǵamdyq birlestikter usynady. Sonymen qatar, bul báıgege jýrnalıster ózin ózi usyný arqyly da qatysa alady.
Ótinimder 2018 jyldyń 15 maýsymyna deıin qabyldanady. Jeńimpazdar Baılanys jáne aq-pa¬rat qyzmetkerleriniń kúni qarsańynda jarııalanady.
Qosymsha aqparatty Májilistiń parlam.kz resmı saıtynan alýǵa bolady.
